Varna (Hindoeïsme)
![](http://178.128.105.246/content-http-upload.wikimedia.org/wikipedia/commons/thumb/c/c3/Pyramid_of_Caste_system_in_India.png/220px-Pyramid_of_Caste_system_in_India.png)
Varna (वर्ण) is ’n Sanskrit woord wat soort, orde of klas beteken.[1][2] Die term verwys na sosiale klasse in lande soos Indië.[1][3][4]
Die stelsel van varnas is vir die eerste keer in die antieke Hindoegeskrif die Rigveda (1500-1000 v.C.) genoem as vier dele (mond, arms, dye en voete) van die kosmiese gees Purusha. In latere werke, wat geskoei is op uitsprake in die Upanishads (800-400 v.C.), is hierdie liggaamsdele op die gemeenskap geprojekteer en word genoem dat Brahma, die skeppergod, mense in vier groepe geskape het:
- Brahmane (priesters en geleerdes)
- Kshatriyas (vegters en heersers)
- Vaishyas (landbouers en handelaars)
- Shudras (dienaars en arbeiders)
Geleerdes glo die varnas was ’n teoretiese klassifikasie wat deur die Brahmane gevisualiseer is, maar nooit werklik in die gemeenskap toegepas is nie. Die praktiese verdeling van die gemeenskap was altyd eerder volgens jati's (geboortegroepe), wat geskoei is op kriteria wat wissel van etniese oorsprong tot beroepe tot godsdiens.
Sien ook
[wysig | wysig bron]Verwysings
[wysig | wysig bron]- ↑ 1,0 1,1 Doniger, Wendy (1999). Merriam-Webster's encyclopedia of world religions. Springfield, MA, VSA: Merriam-Webster. p. 186. ISBN 978-0-87779-044-0.
- ↑ Stanton, Andrea (2012). An Encyclopedia of Cultural Sociology of the Middle East, Asia, and Africa. USA: SAGE Publications. pp. 12–13. ISBN 978-1-4129-8176-7.
- ↑ Monier-Williams, Monier (2005) [1899]. A Sanskrit-English Dictionary: Etymologically and Philologically Arranged with Special Reference to Cognate Indo-European Languages (Herdruk uitg.). Motilal Banarsidass. p. 924. ISBN 978-81-208-3105-6.
- ↑ Malik, Jamal (2005). Religious pluralism in South Asia and Europe. Oxford, VK: Oxford University Press. p. 48. ISBN 978-0-19-566975-6.
Eksterne skakel
[wysig | wysig bron]Hierdie artikel is vertaal uit die Engelse Wikipedia