Wolluis
Wolluis | |
---|---|
![]() | |
Wolluise aan ’n blomstingel. | |
Wetenskaplike klassifikasie | |
Koninkryk: | |
Filum: | |
Klas: | |
Orde: | |
Suborde: | |
Superfamilie: | |
Familie: | Pseudococcidae Heymons, 1915
|
Wolluise is insekte in die familie Pseudococcidae. Hulle is ongepantserde skaalinsekte wat aangetref word in vogtige, warm klimaatstreke. Hulle word as ’n plaag beskou omdat hulle plantsap drink en ook siektes aan plante kan oordra.
Eienskappe
[wysig | wysig bron]![](http://178.128.105.246/content-http-upload.wikimedia.org/wikipedia/commons/thumb/0/0a/Formica_fusca_and_mealy_bugs.jpg/180px-Formica_fusca_and_mealy_bugs.jpg)
Wolluise kom wêreldwyd voor, maar veral in warmer dele. In kouer streke kom hulle dikwels in kweekhuise en ander geboue voor.
Wolluiswyfies, wat nie vlerke het nie, drink die sap van plante, gewoonlik by die wortels en in splete. Hulle skei ’n poeierige waslaag af wat wollerig lyk (vandaar die naam); dit beskerm hulle terwyl hulle die plant se sap uitsuig. Die mannetjies, wat vlerke het, lewe baie kort omdat hulle glad nie as volwassenes eet nie en net die wyfies bevrug. Sommige spesies lê eiers in dieselfde waslaag wat hulle beskerm, terwyl ander lewend gebore word.
Die ernstigste plaag is wolluise wat op sitrusplante voorkom; ander spesies beskadig suikerriet, druiwe, pynappels, koffiebome, varings, kaktusse sonneblomme, orgideë ens. Hulle is veral volop waar daar miere is, want dié beskerm hulle teen hul vyande.
Eksterne skakels
[wysig | wysig bron]Wikimedia Commons het meer media in die kategorie Wolluis.
Wikispecies het meer inligting verwant aan Wolluis
Hierdie artikel is vertaal uit die Engelse Wikipedia