Woonstel
![](http://178.128.105.246/content-http-upload.wikimedia.org/wikipedia/commons/thumb/9/95/Nlwoerdenweideblbuilding.jpg/220px-Nlwoerdenweideblbuilding.jpg)
'n Woonstel is 'n stel kamers in 'n woonstelblok of -kompleks wat as woning vir 'n gesin of enkellopende persoon ingerig is. So 'n woonstel bestaan gewoonlik uit een of meer slaapkamers, 'n kleinerige kombuis en 'n badkamer. Kleiner woonstelle kan ook slegs een kamer hê. Die woonstel se ingang kan op grondvlak wees, of op hoër verdiepings. Trappe en/of 'n hysbak verleen toegang tot gange waarin die woonstelle geleë is. Sekere gemeenskaplike areas word deur al die inwoners gedeel, onder andere: inrypaaie, trappe, gange, vullisarea, wasgoedlyn, gemeenskaplike tuine, 'n swembad, ontspanningsgeriewe ens.
Bestuur van woonstelblokke
[wysig | wysig bron]As die woonstelblok aan verskeie eienaars behoort, word dit deur die Wet op Deeltitels 95 van 1986 gereguleer. Dit maak voorsiening vir die verdeling van die kompleks in privaat en gemeenskaplike dele. Eienaars verkry parte eiendomsreg (deur die registrasie van 'n akte) op die privaatwonings wat hulle besit. Daarteenoor word die gemeenskaplike areas onder beheer van 'n regspersoon, wat uit al die geregistreerde eienaars bestaan, geplaas.
Die doel van die regspersoon is om beheer, administrasie en bestuur van die gemeenskaplike eiendom tot voordeel van die eienaars te verseker. Hulle is ook verantwoordelik vir die toepassing van die reëls van die gebou/skema wat by die registrasie daarvan neergelê is. Hoewel die reëls van skema tot skema kan verskil, kan 'n voorbeeld van die gedrags- en bestuursreëls in aanhangsels 8 en 9 van die Wet op Deeltitels 95 gevind word.
Maandelikse heffings word van eienaars gehef om die gemeenskaplike belang in stand te hou.
Sien ook
[wysig | wysig bron]- Woonstelmaat
- Gemeindebau, soort munisipale woonstelkompleks in Oostenryk.
Eksterne skakels
[wysig | wysig bron]Wikimedia Commons het meer media in die kategorie Woonstel.