Yellowstonerivier
Yellowstonerivier | |
---|---|
Yellowstone-waterval in die Grand Canyon van die Yellowstone. | |
Die stroomgebied van die Yellowstonerivier. | |
Oorsprong | Saamvloei van Noord- en Suid-Forks-riviere, Absarokabergreeks, Wyoming (Verenigde State) |
Monding | McKenzie County, naby Buford, Noord-Dakota Missouririvier |
Stroomgebied | Wyoming, Montana, Noord-Dakota (Verenigde State) |
Lengte | 1 114 km (692 myl) |
Gemiddelde afloop | 390 m³/s (13 773 vt³/s)[1] |
Stroomgebiedopp. | 180 000 km² (70 000 myl²)[2] |
Die Yellowstonerivier (Engels: Yellowstone River) is 'n groot noordoos-vloeiende rivier in die Westelike Verenigde State. Die Yellowstonerivier het 'n lengte van 1 114 km en vloei deur die Amerikaanse deelstate Wyoming, Montana en Noord-Dakota. Die Yellowstonerivier is een van die grootste sytakke van die Missouririvier, op sy beurt 'n sytak van die Mississippirivier. Die Yellowstonerivier is veral bekend vir die Yellowstone Nasionale Park.
![](http://178.128.105.246/content-http-upload.wikimedia.org/wikipedia/commons/thumb/d/dc/Grand_canyon_of_Yellowstone_and_Yellowstone_fall.jpg/220px-Grand_canyon_of_Yellowstone_and_Yellowstone_fall.jpg)
Die Yellowstonerivier ontstaan deur die saamvloei van die Noord- en Suid-Forks-riviere in die Absarokabergreeks Wyoming. Daarna vloei die rivier in 'n noordoostelike rigting deur die bekende Yellowstone Nasionale Park, deurkruis die Yellowstone Nasionale Park, vloei deur drie watervalle en vorm die Grand Canyon van die Yellowstone. Verder noordoos mond die Yellowstonerivier in McKenzie County, naby Buford, Noord-Dakota, in die Missouririvier uit.
Die Hidatsa-Indiane het die rivier weens die gesteentes se geel kleur Mi tse a-da-zi genoem, wat die eerste Franse pelsjagters as Rivière des Roches Jaunes vertaal het en die Kanadese ontdekkingsreisiger David Thompson as Yellow Stone.
Die Yellowstonerivier is in 1806 deur William Clark tydens sy terugkeer van die Lewis-en-Clark-ekspedisie verken. Reeds voorheen was die Yellowstonerivier 'n belangrike vervoerpad vir die Indiane. Gedurende die 19de eeu het die rivier ook vir die blanke setlaars belangrik geword. In Montana is die rivier op 'n groot skaal vir besproeiing gebruik.
Verwysings
[wysig | wysig bron]- ↑ (en) "Yellowstone River at Sidney, Montana". Center for Sustainability and the Global Environment. River Discharge Database. 19 Oktober 1996. Geargiveer vanaf die oorspronklike op 15 Junie 2010. Besoek op 21 April 2010.
- ↑ (en) "Flows of Largest U.S. Rivers – Length, Discharge, and Drainage Area". U.S. Census. Geargiveer vanaf die oorspronklike op 12 Maart 2015. Besoek op 11 Desember 2008.
Eksterne skakels
[wysig | wysig bron]Wikimedia Commons het meer media in die kategorie Yellowstonerivier.
- (en) "Yellowstone River". Encyclopædia Britannica. Besoek op 6 Augustus 2020.