Alatri
Alatri | ||
---|---|---|
![]() |
||
Staat: | Italie | |
Region: | Latium | |
Provinz: | Frosinone (FR) | |
Koordinate: | 41° 44′ N, 13° 21′ O | |
Hechi: | 502 m s.l.m. | |
Flechi: | 97 km² | |
Yywohner: | 27.860 (31. Dez. 2022)[1] | |
Bevelkerigsdichti: | 287 Yyw./km² | |
Poschtleitzahl: | 03011 | |
Vorwahl: | 0775 | |
ISTAT-Nummer: | 060003 | |
Demonym: | Alatresi, Alatrensi oder Alatrini | |
Schutzpatron: | San Sisto | |
Website: | Alatri |
Alatri isch e Stadt in der italienische Provinz Frosinone in der Region Latium. Sie lit 84 km östlig vo Rom und 13 km nördlig vo Frosinone.
![](http://178.128.105.246/content-http-upload.wikimedia.org/wikipedia/commons/thumb/e/e5/Alatri_Arcobaleno.jpg/220px-Alatri_Arcobaleno.jpg)
Geographii
[ändere | Quälltäxt bearbeite]Alatri lit in der Hügellandschaft vo der Ciociaria. Es isch e Mitgliid vo der Comunità Montana Monti Ernici. Sini Nochbergmeinde si Collepardo, Ferentino, Frosinone, Fumone, Guarcino, Morino (AQ), Trivigliano, Veroli und Vico nel Lazio.
Verkehr
[ändere | Quälltäxt bearbeite]D Staatsstross SS 155 verbindet Alatri mit de Ort Fiuggi und Frosinone und mit der A1, Autostrada del Sole.
Gschicht
[ändere | Quälltäxt bearbeite]Alatri isch vermuetlig im 6. Johrhundert v. Chr. vo de Herniker gründet worde. Nochdäm Alatri und anderi Ortschafte am zweite Samnitechrieg deilgno hai, si d Herniker 306 v. Chr. zu stüür- und dienstpflichtige Underdane vo Rom gmacht worde.
Noch em Untergang vom Weströmische Riich isch Alatri verfalle. Die zivili Macht isch verschwunde und nume d Chille mit em Bischof het no für Ornig gsorgt. Im 5. Johrhundert under em Theoderich em Grosse het dr Patrizier Liberius e Chloster lo baue, eins vo de eltiste im Weste. Dr St. Benedikt het sich dört churzi Ziit ufghalte im Johr 528. Währed de Gothechrieg het dr Totila 543 Alatri eroberet und zerstört.
Im 12. Johrhundert isch d Stadt e wichdige Stützpunggt vo de Bäbst worde, und si hai sich dört ane zruggzoge, wenn d Lag z Rom gföhrlig worden isch. Immer no under dr Kontrolle vo dr Chille, isch Alatri im 13. Johrhundert e freiji Stadt worde und isch vo Konsule regiert worde bis 1241 e podestà iigfüehrt worden isch. Vo denn a het sich d Stadt wirtschftlig entwigglet und an Macht gwunne und het Collepardo, Guarcino, Trivigliano, Vico und Frosinone eroberet. Im 15. Johrhundert het si ihri Unabhängikeit wider verlore, und dr Babst isch ihre Herr worde. D Usenandersetzige mit de Nochberstedt si wiiter gange und Alatri isch 1556 vo de Spanier bsetzt worde.
Währed dr Römische Republik, wo under em französische Direktorium in de bäbstlige Gebiet iigfüehrt worden isch, het Alatri zum Babst ghalte. Vo 1809 bis 1814 hai die Napoleonische Besatzigsdruppe e grösseri Zahl vo bäbstlige Beamte und au dr Bischof Giuseppe della Casa nach Frankriich deportiert.
Alatri isch 1870 e Deil vom Königriich Italie worde.
Währed em Zweite Wältchrieg isch s deilwiis zerstört worde und het vili Opfer z beklage gha.
Fuessnote
[ändere | Quälltäxt bearbeite]- ↑ Demographic Balance and resident population by sex on 31st december 2022. Italian National Institute of Statistics, abgruefen am 14. Mai 2023.
![]() |
Dä Artikel basiert uff ere fräie Übersetzig vum Artikel „Alatri“ vu de dütsche Wikipedia. E Liste vu de Autore un Versione isch do z finde. |