Benjamin Huggel
Benjamin Huggel | ||
![]() | ||
Personalia | ||
---|---|---|
Name | Benjamin Huggel | |
Wänn uf d Wält choo | 7. Juli 1977 | |
Wo uf d Wält choo | Dornach, Schwiz | |
Größi | 190 cm | |
Position | Mittelfäld | |
Junioren | ||
Johr | Station | |
1987–1996 | FC Münchestei | |
1996–1998 | FC Arlesheim | |
Herre | ||
Johr | Station | Spil (Tor)1 |
1998–2005 | FC Basel | 153 (31) |
2005–2007 | Eintracht Frankfurt | 53 | (1)
2007–2012 | FC Basel | 142 (30) |
2012 | FC Basel U-21 | 1 | (0)
Nationalmannschaft | ||
Johr | Uuswahl | Spil (Tor)2 |
2003–2010 | Schwyz | 41 | (2)
Statione als Trainer | ||
Johr | Station | |
2012–2013 | FC Basel U-21 (Assischtänt) | |
2013–2014 | FC Basel U-14 | |
2014–2015 | FC Luzärn U-16 | |
2015–2016 | FC Black Stars Basel | |
1 Aagää sind nur Ligaspiil. Stand: Kariereändi 2 Stand: 7. Juni 2020 |
Dialäkt: Baseldütsch |
Dr Benjamin ("Beni") Huggel (* 7. Juli 1977 z Dornach) isch en ehmolige Schwizer Fuessballspiler. Sini Position isch s defensive Mittelfäld gsi. Är isch Bürger vo Münchestei und isch au dört uffgwaggse.
Vereinskarriere
[ändere | Quälltäxt bearbeite]Dr Huggel isch mit 21 erscht relativ spoot Profi-Fuessballer worde. Vorhär het är sini Usbildig als Landschaftsgärtner beändet. Är het sich bald e Stammblatz bim FC Basel eroberet und isch mit däm dreymol Schwizer Meischter worde und het in dr UEFA Champions League gspilt.
Vo 2005-2007 isch dr Huggel bim dütsche Erschtligischt Eintracht Frankfurt unter Vrtrag gstande. Nachdäm är am Aafang Stammspiler in dr junge Frankfurter Mannschaft gsi isch, het är si Stammblatz aber zerscht widr verlore. Nachdäm är sich an s Tempo vo dr Bundesliga gwöhnt gha het, ischs em glunge, si verlorene Stammblatz widr zruggzerobere, au begünschtigt durch d Verletzige vo mehrere Mitspiler. Am 5. Mai 2007 im Spil gege Alemannia Aachen isch ihm sis erschte Bundesliga-Goal im 51. Spil glunge.
Vo 2007 bis zue siim Rucktritt zum Änd vo dr Saison 2011/2012 het er wider für sii alte Verein FC Basel gspilt.
Nationalmannschaft
[ändere | Quälltäxt bearbeite]Dr Huggel het sit em 20. Auguscht 2003 25 Partie für d Schwizer Fuessballnationalmannschaft beschtritte. Am 14. Novämber 2009 wo dr Alexander Frei usgwäggslet worden isch, isch dr Huggel zum erste Mol Käptn vo dr Nationalmannschaft worde. An dr «Nacht vom Schwizer Fuessball» im Joor 2010 isch er zum beste Schwizer Nationalspiiler vom Joor 2009 gwelt worde.[1] Noch dr Fuessball-Wältmäisterschaft 2010 in Südafrika het dr Huggel si Ruggdritt us dr Nationalmannschaft bekannt gee.[2]
Sperri
Nach skandalöse Vorfäll im entscheidende WM-Qualifikationsspil gege d Türkey isch dr Benjamin Huggel am 7. Februar 2006 vo dr FIFA für säggs Nationalmannschaft-Pflichspil gsperrt worde. Die Sperri isch aber spöter, wie für anderi Spiler au, uf vier Spil reduziert worde. Well sich d Schwiz an dr WM 2006 fürs Achtelfinal qualifiziert gha het, het är sini Sperrene scho denn abgsässe gha. Är isch somit an dr EM 2008 im eigene Widr spilberächtigt gsi und im Ufgebot gstande. Dö Iisatz wär bi säägs Spilsperrene gfördet gsi, well d Schwiz als Veraastalter keini Qualifikationsspil beschtritte het miesse. Am 26. März 2008 isch dr Huggel s erschte Mol sit em Skandal in emne Länderschpil widr für d Schwiz iigsetz worde: Är isch in dr 88. Minute im Länderspil gege Dütschland iigwäggslet worde.
Erfolg
[ändere | Quälltäxt bearbeite]Schwizer Meischter: 2002, 2004, 2005, 2008, 2010, 2011, 2012
Schwizer Cupsiiger: 2002, 2003, 2008, 2010, 2012
Weblink
[ändere | Quälltäxt bearbeite]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Website vom Benjamin Huggel
- Benjamin Huggel uf dr Websyte vo dr Swiss Football League
- Benjamin Huggel in dr Datebank vu Weltfussball.de
Fuessnoote
[ändere | Quälltäxt bearbeite]- ↑ Doumbia und Huggel sind Spieler des Jahres uf em Schwizer Färnsee vom 24. Mai 2010
- ↑ Benjamin Huggel gibt Nati-Rücktritt uf em Schwizer Färnsee vom 30. Juli 2010