Camila Cabello
![](http://178.128.105.246/content-http-upload.wikimedia.org/wikipedia/commons/thumb/a/ac/Camila_Cabello_Vogue_4.jpg/220px-Camila_Cabello_Vogue_4.jpg)
![Ìn dr Cabello ìhra Unterschrìft](http://178.128.105.246/content-http-upload.wikimedia.org/wikipedia/commons/thumb/c/c6/Camila_Cabello_Signature.svg/75px-Camila_Cabello_Signature.svg.png)
Dialäkt: Mìlhüüserdiitsch |
D’ Karla Camila Cabello Estrabao ( [kəˈmiːlə kəˈbeɪoʊ](info) uff Anglisch, [kaˈmila kaˈβeʝo] uff àmerikànisch Schpànisch; * 3. März 1997 z’ Havanna) ìsch a kubàànisch-mexikàànisch-US-àmerikàànischa[1]>[2] Sangera, Liadermàchera un Schàuischpìelera. Bekànnt worra-n-ìsch sa àls Mìtglìed vu dr Girl-Grupp Fifth Harmony, wo aina vu da ärfolgriichschta Maidla-Gruppa vun àlla Zitta worra-n-ìsch. D’ Grupp hàt sa àm 18. Dezamber 2016 fàraloo.
Ìhr äärscht Àlbum àls Solokìnschtlera, Camila, ìsch ìm Janner 2018 ärschìena un ìsch uff Plàtz 1 ìm Billboard 200 ànakumma. S’ Àlbum mìt Làtino-Müüssik ìsch vu dr Kritik globt worra un ìsch ìn da USA Plàtin-Schàllplàtta worra. D’ Sìnggel Havana (2017) ìsch ìn mehrera Lander, unter àndrem ìm Verainigta Keenigraich un ìn da Verainigta Schtààta, Nummer-Ains-Hit worra. D’ nachschta Sìnggel Never Be the Same ìsch ìm Top-10 ìn mehr àss zeh Lander gsìì. Ìhra Sìnggel Señorita, wo sa ànna 2019 zamma mìt’m Shawn Mendes uffgnumma hàt, ìsch eewafàlls uff Plàtz 1 ìm Billboard Hot 100 ànakumma. Ìhr zwait Schtüdio-Àlbum, Romance (2019), ìsch uff Plàtz 3 ìn da USA un uff Plàtz 1 ìm Kànàdà ànakumma; d’ Sìnggel My Oh My ìsch uff Plàtz 12 ìm Billboard Hot 100 ànakumma, so wia-n-ìm Top-10 ìn zàhlriicha Lander.
Ànna 2021 hàt d’ Cabello ìhra äärschta Rolla-n-àls Schàuischpìelera ghàà àls d’ Hàuiptfigur ìm Müüsikfilm Cinderella. Àm 8. Àwrìl 2022 hàt sa ìhr dritt Àlbum Familia veräffentligt, wo siina äärschta Sìnggel Don't Go Yet (Jüüli 2021) Plàtin-Schàllplàtta ìn dräi öiropäischa Lander worra-n-ìsch (ìm Itàlia, Schpània un Portügàl). D’ zwaita Sìnggel vum Àlbum, Bam Bam, ìsch ìm März 2022 ärschìena un ìsch ìm Billboard Global 200 Chart bis uff Plàtz 5 glunga —dàs ìsch ìn dr Cabello-n-ìhra bäschta Plàtziarung ìn salla Chart gsìì. S’ Àlbum Familia-n-ìsch jedoch numma-n-uff Plàtz 10 vum US Billboard 200 ànakumma, so wia-n-uff Plàtz 6 ìm Kànàdà un uff Plàtz 9 ìm Groossbritànnia.
Uff da Online-Müüssikplàttforma hàt d’ Cabello mehrera Milliarda Streams ghàà. Uff’m Internet ìsch s’ Liad Havana d’ maischverkàuifta Sìnggel vum Joohr 2018 gsìì. Züadam hàt d’ Cabello zàhlriicha Müüssikpriisa bikumma, drunter zwai Latin Grammy Awards, fìmf American Music Awards un ain Billboard Music Award. Ìm Oktoower 2021 ìsch Havana ìn da USA àls Diàmànt-Schàllplàtta-n-üüsszaichent worra[3] —doo drbii ìsch d’ Cabello d’ äärschta wiibliga schpànisch-àmerikànischa Kìnschtlera worra, wo dia Üüsszaichnung bikumma hàt.[4]
Weblìnks
[ändere | Quälltäxt bearbeite]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Ìn dr Camila Cabello ìhra offiziälla Websitta (àmerikànisch Anglisch)
- D’ Camila Cabello bi Discogs (änglisch)
- D’ Camila Cabello bi Allmusic (änglisch)
- D’ Camila Cabello bii Billboard (àmerikànisch Anglisch)
- D’ Camila Cabello in de Internet Movie Database (änglisch)
Ainzelnoohwiisa
[ändere | Quälltäxt bearbeite]- ↑ Gobierno de México: Ficha de registro CURP mexicana de Camila Cabello. 1997, abgruefen am 17. Juli 2023 (schpanisch).
- ↑ Ariana Bacle: Camila Cabello Honors Her Heritage With Her New Album. In: Time. Abgruefen am 10. Oktober 2018 (amerikanischs Änglisch).
- ↑ Tomás Mier: Camila Cabello Joins Cardi B as the Only Latinas with a Diamond-Certified Song, Thanks to 'Havana'. In: People. 4. Oktober 2021, abgruefen am 19. Juli 2022 (amerikanischs Änglisch).
- ↑ Karla Montalván: Camila Cabello is the First Hispanic Woman Honored With Diamond-Certified Single Award. In: People en Español. 5. Oktober 2021, abgruefen am 19. Juli 2022 (amerikanischs Änglisch).
![]() |
Dä Artikel basiert uff ere fräie Übersetzig vu dere Version vum Artikel „Camila_Cabello“ vu de dütsche Wikipedia. E Liste vu de Autore un Versione isch do z finde. |
![]() |
Dä Artikel basiert uff ere fräie Übersetzig vu dere Version vum Artikel „Camila_Cabello“ vu de änglische Wikipedia. E Liste vu de Autore un Versione isch do z finde. |