Converso
![](http://178.128.105.246/content-http-upload.wikimedia.org/wikipedia/commons/8/8b/Berruguete_penitenciats_s._XV.jpg)
As Conversos (Pl. vo Converso) het mä im spanische und bortugiisische Sproochruum Juude bezäichnet, wo zum katholische Christedum konwertiert häi, und deren iiri Noochkomme. De Konwertite us dr maurische Bevölkerig, wo vom Islam zum Katholizismus konwertiert häi, het mä Moriscos (uf Dütsch: Moriske) gsäit.
Zerst häi d Conversos scho nume wägen iirem Akt vo dr Waal as usgezäichneti Christe gulte. In de mäiste Fäll het d Konwersioon aber under Zwang stattgfunde und d Conversos si vilmol under em Verdacht gstande, ass si Krüptojuude sige und iiri alti Religioon witer wurde usüebe. Vom 13. Joorhundert aa isch en Antisemitismus gege die Nöi-Christe (cristianos nuevos span. / cristãos novos port.) ufchoo. Die Spannige, wo au vo wirtschaftlige Inträsse vo de Alt-Christe (cristianos viejos span. / cristãos-velhos port.) cho si, si denn am Ändi vom Middelalter zun ere Verfolgig vo de Conversos dur die Spanischi Inkwisizioon worde. Vom 15. bis ins 19. Joorhundert het jeede, wo z Spanie e hööchers Amt het welle iinee, uf en Uniwersidäät het welle go studiere oder eme Orde het welle biidräte, müesse bewiise, ass si Bluet räin sig, das häisst, ass er nit vo Juude oder vo Muslime wurd abstamme.
Converso und Marrano si in dr hütige Forschig die gängige Bezäichnige für Juudeoconversos mir ere iberische Härkumft und deren iiri Noochkomme.
Lueg au
[ändere | Quälltäxt bearbeite]Litratuur
[ändere | Quälltäxt bearbeite]- Ulrich Horst: Die spanischen Dominikaner und das Problem der Judenchristen („conversos“), in: Dominikaner und Juden. Personen, Konflikte und Perspektiven vom 13. bis 20. Jahrhundert / Dominicans and Jews. Personalities, Conflicts, and Perspectives from the 13th to the 20th Century, hrsg. von Elias H. Füllenbach OP und Gianfranco Miletto, Berlin / Münche / Boston 2015 (= Quellen und Forschungen zur Geschichte des Dominikanerordens, Neue Folge, Bd. 14), S. 273ff.
- Julio Valdeón Baruque: Judíos y Conversos en la Castilla medieval. Valladolid 2004. ISBN 84-8183-134-4.
- Norman Roth: Conversos, Inquisition, and the expulsion of the Jews from Spain. Wisconsin (1995) 2002. ISBN 0299142302.
- Yosef Kaplan: Jews and conversos. Studies in society and inquisiton. Jerusalem 1985.
- David Graizbord: Conversos, in: Dan Diner (Hrsg.): Enzyklopädie jüdischer Geschichte und Kultur (EJGK). Band 2, Metzler, Stuttgart/Weimar 2012, S. 39–43
Weblingg
[ändere | Quälltäxt bearbeite]- Marranos, Conversos, and New Christians. In: Jewish Virtual Library. Abgruefen am 27. Juni 2010 (änglisch).
![]() |
Dä Artikel basiert uff ere fräie Übersetzig vum Artikel „Converso“ vu de dütsche Wikipedia. E Liste vu de Autore un Versione isch do z finde. |