Cricket
![](http://178.128.105.246/content-http-upload.wikimedia.org/wikipedia/commons/thumb/e/e5/CricketSCG1.jpg/330px-CricketSCG1.jpg)
![](http://178.128.105.246/content-http-upload.wikimedia.org/wikipedia/commons/thumb/7/7a/Pollock_to_Hussey.jpg/330px-Pollock_to_Hussey.jpg)
Cricket (ängl. [ˈkɹɪkɪt]) isch isch e Mannschaftssportart, wo zu de Schlagballspiil ghöört und vor allem in de Länder vom Commonwealth seer beliebt isch, eso beliebt, ass es in e baar dr Nazionalsport isch.
Dr Matsch
[ändere | Quälltäxt bearbeite]E Cricket-Mannschaft bestoot us elf Spiiler. Ersatzspiiler si nume under sältene Bedingige erlaubt.
Bim Cricket goot s um s Duell zwüsche em Wärfer (Bowler) und em Schlagmaa (Batsman). Dr Bowler brobiert d Balle eso z gheie, ass er s Wicket, wo dr Batsman verdäidigt, drifft oder dass dr Batsman esone groobe Feeler wie leg before wicket macht, ass er usschäidet. Dr Batsman sinersits brobiert, d Balle wägzschloo, so dass är und dr zwäit Batsman uf dr andere Site vom Pitch iiri Blätz chönne dusche. Für jedes Mol, won e Batsman über e Pitch rennt, zellt das as e Run.
D Fäldspiiler us dr Mannschaft vom Bowler brobiere d Balle z fange. Wenn si d Balle fange, bevor si uf em Boode ufgumpt, isch dr Schlagmaa caught und schäidet us. Sust gheit mä d Balle so schnäll wie mööglig zum Wicket zrugg, wo dr Wicket-keeper stoot. Dä gheit mit dr Balle s Wicket um, wenn dr Batsman nonig zrug hinder sinere Schlaglinie isch, und dr Batsman isch denn dusse (dismissed) und wird vom neggste Spiiler us sinere Mannschaft ersetzt.
Jedi Mannschaft spiilt äi oder zwäi Innings, wo si s Schlagrächt het bis dass si all out isch oder erklärt, ass si gnueg Runs häig. D Mannschaft, mit mee Runs gwünnt dr Matsch.
Weblingg
[ändere | Quälltäxt bearbeite]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Deutscher Cricket Bund
- Österreichischer Cricket-Verband
- Swiss Cricket Association (änglisch)
- Cricinfo (änglisch)