Granit Xhaka
Granit Xhaka | ||
![]() im Trikot vom FC Arsenal (2018)
| ||
Personalia | ||
---|---|---|
Wänn uf d Wält choo | 27. Septämber 1992 | |
Wo uf d Wält choo | Basel, Schwiiz | |
Grösse | 185 cm | |
Position | Mittelfäld | |
Junioren | ||
Johr | Station | |
1997–2002 | FC Concordia Basel | |
2003–2009 | FC Basel | |
Herre | ||
Johr | Station | Spil (Tor)1 |
2010–2012 | FC Basel | 44 | (2)
2012–2016 | Borussia Mönchengladbach | 108 | (6)
2016– | FC Arsenal | 121 | (7)
Nationalmannschaft | ||
Johr | Uuswahl | Spil (Tor)2 |
2008–2009 | Schweiz U-17 | 14 | (2)
2009–2010 | Schweiz U-18 | 14 | (3)
2010–2011 | Schweiz U-19 | 10 | (3)
2010–2011 | Schweiz U-21 | 5 | (0)
2011– | Schweiz | 82 (12) |
1 Aagää sind nur Ligaspiil. Stand: 14. März 2020 2 Stand: 18. November 2019 |
Granit Xhaka [ˈʤaka] (* 27. Septämber 1992 z Basel) isch e Schwiizer Fuessballspiler. Er wird als zäntrale, defensive oder offensive Mittelfäldspiler ygsetzt und staht bim FC Arsenal under Vertrag.
Im Jahr 2017 isch de Xhaka Schwiizer Fuessballer vom Jahr worde.[1]
Geburt und Chindheit
[ändere | Quälltäxt bearbeite]De Granit Xhaka isch de Sohn vo kosovo-albanische Eltere, wo us em dazmal jugoslawische Prishtina stammet.[2] Er isch zäme mit sym ältere Brüeder Taulant, wo äbefalls Profifuessballer isch, im Basler Stadtteil Santihans ufgewachse.[3].
Karriere
[ändere | Quälltäxt bearbeite]Verein
[ändere | Quälltäxt bearbeite]Aafäng bi Concordia und em FC Basel
[ändere | Quälltäxt bearbeite]De Xhaka isch mit vier Jahr vo sym Vater und sym Brüeder zum Training vom FC Concordia Basel mitgnuu worde.[4] Ab em Jänner 2003 het er zur Jugendabteilig vom FC Basel ghöört.[5] Drüü Jahr spööter het er für d Basler U-21-Mannschaft gspilt. I de Jahr 2008 bis 2010 het er bi 37 Spil mitgspilt und ölf Gool gschosse.
Ab de Saison 2010/11 isch de Xhaka im Kader vo der erste Mannschaft gstande. Sys Debüt imene offizielle Spil isch am 28. Juli 2010 bim Qualispil für d Champions League gäge de VSC Debrecen gsi. Das Usswärtsspil im Budapester Szusza Ferenc Stadion het de FC Basel mit 2:0 gwunne, wobii de Granit Xhaka s zweiti Gool erziilt het.[6][7] Sys erste Meisterschaftsgool het er um zwüschenzytliche 3:1 bim 5:1-Heimsiig gäge de FC Thun am 15. Mai 2011 gschosse.[8]
I de Saisons 2010/11 und 2011/12 isch de Xhaka mit dem FC Basel Schwiizer Meister und 2011/12 zuesätzlich Cupsiiger worde.[9]
![](http://178.128.105.246/content-http-upload.wikimedia.org/wikipedia/commons/thumb/0/04/Xhakabmg.jpg/170px-Xhakabmg.jpg)
Borussia Mönchengladbach
[ändere | Quälltäxt bearbeite]Uf d Saison 2012/13 het Borussia Mönchengladbach de Xhaka verpflichtet. Er het en Füüfjahresvertrag bis zum 30. Juni 2017 underschribe.[10] Er het am 18. August 2012 für d Gladbacher debütiert, won er bim 2:0-Sieg im DFB-Pokal gäge Alemannia Aachen duregspilt het. Sys Bundesligadebüt het er am 25. August 2012 gä, won er bim 2:1-Sieg gäge d TSG 1899 Hoffenheim ygsetzt worden isch; s erste Bundesligagool isch im am 15. Septämber 2012 glunge, won er bi de 2:3-Niderlag gäge de 1. FC Nürnberg de Usglychsträffer für d Gladbacher erzilt het. De Xhaka isch am Aafang vo de Saison Stammspiler gsi, isch denn aber ine Krise cho. Nach ere 0:4-Niderlag im Oktober 2012 gäge Werder Bremen het de Granit Xhaka ufgrund vonere defensivere Spilwys sy Stammplatz verlore. So isch er ab em nünte Spiltag meistens ygwächslet worde. Nach starche Leistige i de Saison 2014/15 isch sy Vertrag bis zum 30. Juni 2019 verlängeret worde. Mit em Trainerwechsel im September 2015 isch er Mannschaftskapitän worde und het i de Saison syni starche Leistige bestätige chönne.[11] Im Summer 2016 het de Xhaka für e kolportierti Ablösesumme vo 45 Millione Euro zum FC Arsenal gwächslet und isch so zum Rekordtransfer vo de Borussia worde. I syne 140 Pflichtspil für Mönchengladbach het er nüünmal troffe.
FC Arsenal
[ändere | Quälltäxt bearbeite]Am 25. Mai 2016 het de Xhaka bim FC Arsenal en Vertrag bis zum 30. Juni 2021 underschribe.[12][13] Sys Premier-League-Debüt het er am 14. August bi de 3:4-Heimniderlag gäge de FC Liverpool gä.[14] Under em Cheftrainer Unai Emery isch er im Septämber 2019 de Mannschaftskapitän vo Arsenal London worde.[15] Scho im Novämber 2019 isch de Xhaka nach eme Zerwürfnis mit de Fans wider als Kapitän abgsetzt worde.[16]
Nationalmannschaft
[ändere | Quälltäxt bearbeite]![](http://178.128.105.246/content-http-upload.wikimedia.org/wikipedia/commons/thumb/d/d7/Suisse_vs_Argentine_-_Granit_Xhaka_%26_Lionel_Messi.jpg/220px-Suisse_vs_Argentine_-_Granit_Xhaka_%26_Lionel_Messi.jpg)
Für d Schwiizer U-17-Nationalmannschaft het de Granit Xhaka 12 Spil gspilt und zwei Gool gmacht. Sys Debüt het er am 24. Septämber 2008 bim 2:1-Heimsiig im WM-Qualispil gäge Island gä. Mit dere Mannschaft isch er bi de U-17-Wältmeisterschaft 2009 z Nigeria Wältmeister worde.[17][18]
Am 4. Juni 2011 het er im EM-Qualipil gäge Ängland im Wembley-Stadion sys Debüt für die A-Nationalmannschaft vo de Schwiiz gä.[19][20] Im Testspil am 15. November 2011 het er bim 1:0-Usswärtssiig gäge Luxeburg im Josy-Barthel-Stadion sys erste Länderspilgool.[21]
De Xhaka isch bi de WM 2014 z Brasilie im Schwiizer Kader gstande, het det bis zum Usscheide im Achtelfinal gäge Argentinie alli Spil und het i de Vorrundi gäge Frankrych s Gool zum Ändstand vo 2:5 gschosse.
Bi de EM 2016 z Frankrych isch er äbefalls Teil vo de Schwiizer Nati gsy. Det isch er uf sy Brüeder Taulant gstosse, wo für Albanie spilt – bi dem Spil hend zum erste Mal imeneme EM-Spil zwei Brüeder gägenand gspilt. Er isch bi alle vier Partie über di volli Spilduur debygsy. Im Achtelfinal gäge Polen het de Xhaka als einzige Spiler im Penaltyschiesse sy Penalty verschosse. Drum isch d Schwiiz usgschide.
De Xhaka het mit de Nati a de Wältmeisterschaft 2018 teilgnuu. Im zweite Gruppespil gäge Serbie het er de Träffer zum 1:1 gschosse; das Spil hend d Schwiizer mit 2:1 gwunne.[22]
Titel und Erfolge
[ändere | Quälltäxt bearbeite]- FC Basel
- Schwiizer Meister: 2011, 2012
- Schwiizer Cupsieger: 2012
- Uhrencup: 2011
- FC Arsenal
- Nationalmannschaft
Uszeichnunge
[ändere | Quälltäxt bearbeite]- «Newcomer des Jahres» i de Super League: 2012
- Ehrenbotschafter vom Kosovo: 2014[23]
- Mitglied der VDV 11: 2014/15
- Schwiizer Fuessballer vom Jahr: 2017
Persönlichs
[ändere | Quälltäxt bearbeite]De Xhaka het im Juli 2017 syni Fründin ghürate.[24]
Weblink
[ändere | Quälltäxt bearbeite]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- D Websyte vom Granit Xhaka (Site cha nüme abgrüeft wärde; Suche im Webarchiv)
- Granit Xhaka in dr Datebank vo fussballdaten.de
- Profil bim FC Arsenal
Fuessnote
[ändere | Quälltäxt bearbeite]- ↑ SRF: Xhaka als Fussballer des Jahres geehrt, abgerufen am 29. August 2017
- ↑ Granit Xhaka: «Die Frage ist: Wann gehe ich?» auf TagesWoche vom 9. Januar 2012
- ↑ Das Bruderduell. Abgruefen am 14. März 2019 (Schwiizer Hochtüütsch).
- ↑ Fußballstar Granit Xhaka: Ich gebe all mein Geld den Eltern ab, www.sonntagonline.ch vom 15. Dezember 2012
- ↑ Spielerprofil (Memento vom 30. Juni 2012 im Internet Archive), www.swisslife.ch
- ↑ Spielbericht VSC Debrecen - FC Basel 1893 auf www.transfermarkt.ch
- ↑ Champions League: Wichtiger FCB-Sieg bei Debrecen auf Schweizer Fernsehen vom 28. Juli 2010
- ↑ Beim 5:1 von Basel gegen Thun erzielte Granit Xhaka in seinem 18. Super-League-Einsatz sein 1. Tor (Site cha nüme abgrüeft wärde; Suche im Webarchiv) auf Schweizer Fernsehen vom 15. Mai 2011
- ↑ FC Basel ist Schweizer Meister. fussball.ch. 25. Mai 2011. Abgrüeft am 31. Mai 2011.
- ↑ Borussia verpflichtet Granit Xhaka. borussia.de. 18. Mai 2012. Abgrüeft am 18. Mai 2012.
- ↑ David Nienhaus: Gladbachs wundersame Wandlung in Spiel 1 nach Lucien Favre – und was der neue Captain Granit Xhaka damit zu tun hat. In: watson.ch. 24. September 15.
- ↑ Arsenal agree deal with Granit Xhaka. Arsenal.com, abgerufen am 25. Mai 2016
- ↑ Xhaka wechselt zu Arsenal London (sic!) borussia.de, abgerufen am 22. Juni 2016
- ↑ Match Report auf Arsenal.com, abgerufen am 9. September 2016
- ↑ Granit Xhaka: Arsenal manager Unai Emery names midfielder as new captain, bbc.com, abgerufen am 28. September 2019
- ↑ Xhaka als Captain von Arsenal abgesetzt, srf.ch, abgerufen am 6. November 2019
- ↑ Xhaka: «Ich will nicht auf der Strasse landen» (Memento vom 24. Novämber 2009 im Internet Archive) auf blick.ch vom 20. November 2009
- ↑ Granit Xhaka: «(Fast) alles wieder wie zuvor» (Memento vom 22. Novämber 2009 im Internet Archive) auf 20 Minuten vom 18. November 2009
- ↑ Schweizer Equipe mit Debütant. Neue Zürcher Zeitung AG. 2011. Abgrüeft am 4. Juni 2011.
- ↑ Spielbericht England-Schweiz. In: transfermarkt.ch. 2011. Abgrüeft am 4. Juni 2011.
- ↑ Ein schwacher Auftritt der Schweiz Spielbericht Luxembourg-Schweiz 15. November 2011. In: weltfussball.de. 2011. Abgrüeft am 15. November 2011.
- ↑ Erb Dominik: Schweiz wendet Partie gegen Serbien. (football.ch [abgerufen am 23. Juni 2018]).
- ↑ Granit Xhaka hat nur einen Pass. In: Tages-Anzeiger/SonntagsZeitung vom 14. Juli 2018.
- ↑ Max Kern: Granit Xhaka ist unter der Haube. Blick.ch, 6. Juli 2017, abgruefen am 26. Juni 2018.
![]() |
Dä Artikel basiert uff ere fräie Übersetzig vum Artikel „Granit_Xhaka“ vu de dütsche Wikipedia. E Liste vu de Autore un Versione isch do z finde. |