Louis Favre
![](http://178.128.105.246/content-http-upload.wikimedia.org/wikipedia/commons/thumb/8/80/Louis_Favre.jpg/220px-Louis_Favre.jpg)
Dr Louis Favre (* 28. Januar 1826 z Chêne-Bourg; † 19. Juli 1879 z Göschene) isch e Schwizer Ääscheniöör gsi. Er isch für e Bau vom Gotthardtunnel verantwortlig gsi.
Lääbe und Wärk
[ändere | Quälltäxt bearbeite]Dr Louis Favre isch vom Handwärker zum Undernäämer ufgstiige und isch en erfolgriiche Dunnelbauer gsi. Si Firma het gege säggs Mitbewärber gwunne und het dr Ufdraag überchoo en Iisebaandunnel dur s Gotthardmassiv z baue, zu säller Zit dr lengst uf dr ganze Wält. D Bauzit won er veraaschlagt het isch acht Joor gsi, weniger as alli andere und dr Briis vo 56 Mio. Franke isch 12½ Mio. Franke billiger gsi as dr zwäitgünstig. Wenn d Bauzit chürzer as acht Joor wurd, het men em e Prämie vo 5000 Franke pro Daag versproche, für jeede Daag lenger as acht Joor hätt er e Buess vo 5000 Franke pro Daag mäesse zaale. Wenn s mee as säggs Mönet Verspöötig gieb, wer d Buess uf 10000 Franke pro Daag gstiige.
D Bauarbäite si vo 1871 bis 1880 gang, dr Durchschlag isch am 29. Februar 1880 gsi. Es het groossi technischi und geologischi Brobleem gee und dr Louis Favre het au e baar Mol Strit mit dr Bank, wo s Undernääme finanziert het, und mit dr Baudirekzioon vo dr Gotthardbaangsellschaft ghaa, und isch au vor Gricht gange. 1875 isch s zum ene Sträik vo de italiänische Dunnelarbäiter choo, wo bluetig zämmegschlaage worden isch.
D Bauzit isch zää Mönet z lang worde, und das het d Familie vom Favre finanziell ruiniert. Dr Favre sälber isch scho e baar Mönet vorhär bim ene Kontrollgang im Dunnel am ene Riss in dr Buuch-Aorta gstorbe. D Blaanig und d Exekuzioon gälte für domooligi Verheltniss as technischs Mäisterwärk und mä füert dr Erfolg hauptsächlig uf e Favre zrugg.
Literatur
[ändere | Quälltäxt bearbeite]- Catherine Courtiau: Favre, Louis. In: Historisches Lexikon vo dr Schwiiz.
- Hans G. Wägli: Louis Favre (1826 - 1879) : Erbauer des Gotthardtunnels. Verein für wirtschaftshistorische Studien, Zürich 2008, ISBN 978-3-909059-40-9 (Schweizer Pioniere der Wirtschaft und Technik. Bd. 86).
Weblingg
[ändere | Quälltäxt bearbeite]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Irene Meichsner: 19.7.1879 – Vor 125 Jahren – Louis Favre Ingenieur Erbauer des Gotthardtunnels gestorben; Sändig „Kalenderblatt“ im Dütschlandfunk vom 19. Juli 2004.
- Gotthard-Tunnel uf alpentunnel.de
![]() |
Dä Artikel basiert uff ere fräie Übersetzig vum Artikel „Louis_Favre“ vu de dütsche Wikipedia. E Liste vu de Autore un Versione isch do z finde. |