Maylin Wende
![](http://178.128.105.246/content-http-upload.wikimedia.org/wikipedia/commons/thumb/e/ee/Maylin_HAUSCH_Daniel_WENDE_2010_Troph%C3%A9e_Eric_Bompard.jpg/200px-Maylin_HAUSCH_Daniel_WENDE_2010_Troph%C3%A9e_Eric_Bompard.jpg)
Dialäkt: Schwäbisch |
D Maylin Wende geborene Hausch (* 22. Sebdember 1988 z Stuegert) ischt a deitscha Eiskunschtlaifere.
Aus ihrem Leaba
[ändere | Quälltäxt bearbeite]D Maylin Hausch ischt am 22. Sebdember 1988 z Stuegert uff d Welt komma. Des Mädle ischt grad amôl viir Jôhr alt gwäa, dô hôt-se mit-em Eiskunschtlaufa ôôgfanga, zerscht alloi ond schbäder mit-ma Partner als Paarlaifere. Dr erschde Partner isch dr Steffen Hörmann gwäa. Mit sellem zamma send dia zwoi 2006 Deitsche Moischder em Paarlauf wôrra. S hôt abr et lang dauret, ond dr Steffen Hörmann hôt gnuag vo dera Schbortart kriagt ond seine Schlittschuha an da Nagl ghengt. Weil d Maylin et glei wiidr an Partner gfonda hôt, hôt-se sich zonächst wiider als Solo-Eiskunschtlaifere betädigt. Em Jôhr 2008 aber ischt wiider a Partner fir des Mädle gfonda wôrra: dr Daniel Wende. Mit-em sella hôt-se sich fir d Olympische Wenderschbiil 2010 en Vancouver qualifiziirt. Deet hôt des Paar da 17. Platz gschafft.
Dr Eislauftrainer vo dem Schliddschuahlaiferpaar isch dr Karel Fajfr vom EC Oberstorf gwea. Fir dean Club send dia zwoi au an da Start ganga. Am 6. Juni 2013 hend-se gheiradet. Seither fihrt d Maylin da Familianama Wende.
Zom End vo dr Saison 2013/14 hend d Maylin ond dr Daniel Wende ufghert mit ire Karriere als aktivi Laifer. Boide schaffet seither als Trainer am Eissportzentrum Oberstdorf.
Ausflug zom Film
[ändere | Quälltäxt bearbeite]Em Jôhr 2000 hôt d Maylin Hausch em kurza Schbiilfilm Moianacht d Roll vo dr Julia gschbiilt. Dô dren hôt-se ihrn hoimischa Dialekt schwätza däffa: Schwäbisch.
Weblink
[ändere | Quälltäxt bearbeite]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
![]() |
Dä Artikel basiert uff ere fräie Übersetzig vu dere Version vum Artikel „Wende_Maylin“ vu de dütsche Wikipedia. E Liste vu de Autore un Versione isch do z finde. |