Naase
![](http://178.128.105.246/content-http-upload.wikimedia.org/wikipedia/commons/thumb/f/fc/Neus1.jpg/220px-Neus1.jpg)
D Naase (lat. nasus; griech. ρις rhīs) isch in dr Anatomii das Organ vo de Wirbeldier, wo d Naaselöcher und d Naasehööli din si. Bim Mensch und bi de mäiste andere Süüger lit d Naase in dr Middi vom Gsicht bzw. am vordere Spitz vo dr Schnauze.
Hinder em Naaseruum befindet sich dr Rache, wo d Spiisrööre und d Luftrööre mitenander verbindet.
Funkzioon
[ändere | Quälltäxt bearbeite]![](http://178.128.105.246/content-http-upload.wikimedia.org/wikipedia/commons/thumb/e/ef/Nase_und_Nasenh%C3%B6hle.png/220px-Nase_und_Nasenh%C3%B6hle.png)
S Indiwiduum schnuuft d Luft dur d Naase ii und us. Drbii wird bim Iischnuufe chalti Luft an dr Oberflechi vo dr Naaseschliimhut ufgwermt und füecht gmacht. D Schliimhut wird drbii abküelt und usdröchnet, sich bechunnt aber bim Usschnuufe e groosse Däil vo dr Wermi und dr Füechtigkäit wider zrugg. D Naasehoor fange groobi und s Naasesekret fiini Fremdpartikel ab. S Naasensekret wird die ganz Zit dur d Bewergig vo de Flimmerhöörli in dr Richdig vom Rache dransportiert. Überschüssigs Sekret und Fremdpartikel wärde dur s Niesse uuse beförderet.
Dank dr Naase cha mä au mit zuenigem Muul schnuufe. Das wird bim zirkuläre Schnuufe usgnützt.
D Naasemuschle si sogenannti unächti Schwellkörper und iiri Gröössi cha sich dorum stark verändere.
Dr Mensch schnuuft nit gliichmäässig dur bäidi Naaselöcher, wenn er usruet. Dä Vorgang bezäichnet mä as Naasezüklus. Dr Luftstrom wird abwäggselnd in äim und denn im andere vo de Naaselöcher chliiner, so dass sich d Schliimhut dört cha regeneriere.[1]
D Regio olfactoria vo dr Naase isch dr Sitz vom Gruchorgan und doodrmit vo dr olfaktorische Woornäämig.
Fuessnoote
[ändere | Quälltäxt bearbeite]- ↑ Nasenzyklus – Digitale Dissertation der FU Berlin
Weblingg
[ändere | Quälltäxt bearbeite]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
![]() |
Dä Artikel basiert uff ere fräie Übersetzig vum Artikel „Nase“ vu de dütsche Wikipedia. E Liste vu de Autore un Versione isch do z finde. |