Patrizia Laeri
![](http://178.128.105.246/content-http-upload.wikimedia.org/wikipedia/commons/thumb/a/a9/Patrizia_Laeri.jpg/220px-Patrizia_Laeri.jpg)
D Patrizia Laeri (* 9. Mai 1977; haimetberächtigt z Maiefèld) isch e Schwyzer Wirtschaftsschurnalischti un Moderatori.
D Laeri het an dr Universitet Züri un z Madrid Wirtschaftswisseschafte studiert. Vu 2003 bis 2020 het d Laeri bim Schwyzer Färnsee gschafft. Si het s Wirtschaftsmagazin «ECO»[1] un «SRF Börse»[2] im Schwyzer Färnseh moderiert. Vu 2005 bis 2012 isch si Wirtschaftsredakteeri bi dr Sändige 10vor10 un Tagesschau gsii.
Syt 2009 moderiert si Podiumsdiskussione un Kumferänze, zem Byschpel dr Schwyzer KMU-Dag un s HSG Symposium. Si schrybt Kolumne fir d Schwyzer Dageszytig Blick.[3]
Fir dr 15. Novämber 2018 het d Laeri Schurnalischtine un Schurnalischte zue me Edit-a-thon «Frauen für Wikipedia» zäme mit Ringier, SRF un Wikimedia Schwyz ufgruefe.[4]
D Laeri het zwee Sihn un läbt mit irem Partner z Mänidoorf.
Fueßnote
[ändere | Quälltäxt bearbeite]- ↑ Unterstützung durch Patrizia Laeri bi ECO under Moderation uf srf.ch abgruefen am 11. Juli 2018
- ↑ SRF Börse – Sendungsporträt uf srf.ch abgruefen am 11. Juli 2018
- ↑ SRF: Patrizia Laeri schreibt für den «Blick» uf persoenlich.com abgruefen am 11. Juli 2018
- ↑ Edit-a-thon «Frauen für Wikipedia» under Organisation & Kontakte uf eveni.to abgruefen am 7. Oktober 2018
![]() |
Dä Artikel basiert uff ere fräie Übersetzig vu dere Version vum Artikel „Patrizia_Laeri“ vu de dütsche Wikipedia. E Liste vu de Autore un Versione isch do z finde. |