Red Hat
Red Hat, Inc. | |
---|---|
![]() | |
Unternähmensform | Aktiègsellschaft |
ISIN | US7565771026 |
Gründig | 1993 |
Sitz | Raleigh, North Carolina |
Leitig |
Jim Whitehurst, CEO |
Mitarbeiter | 6.100 (2013)[1] |
Umsatz | 1,33 Mrd. US-Dollar (2013)[2] |
Branche | Software |
Uffdritt im Netz | www.redhat.com |
![](http://178.128.105.246/content-http-upload.wikimedia.org/wikipedia/commons/thumb/d/d4/Red_Hat_at_the_2004_LinuxTag_conference_and_exhibition_in_Karlsruhe%2C_German.jpg/275px-Red_Hat_at_the_2004_LinuxTag_conference_and_exhibition_in_Karlsruhe%2C_German.jpg)
S Unternemmè Red Hat isch èn US-amrikanischè Softwarehèrschteller mit Sitz z Raleigh, North Carolina, wo unter anderem diè wit vobreiteti Linux-Dischtribution Red Hat Enterprise Linux (RHEL) vodrybt un am Fedora-Projèkt bedeiligèt isch. Früèner isch au Red Hat Linux (RHL) vo dè Red Hat vodribbè worrè. D Aktiè vo dè Red Hat Inc. wörred a dè US-Börsè NYSE ghandlet.
Unternèmmènsgschicht
[ändere | Quälltäxt bearbeite]S Unternèmmè Red Hat isch 1993 vom Marc Ewing gründèt worrè un hèt sich 1995 mit èm Unternèmmè ACC vom Kanadier Bob Young zämmègschlossè. Young hèt im Unternèmmè s Amt vom CEO übbernõ, wo 1999 uff dè Matthew J. Szulik übbergangè isch, dè bis Èndi 2007 im Unternèmmè vorgschtandè isch.
Im Juli 1999 isch s Unternèmmè Delix, wo in Stuègètt aasässig gsi isch, übbernõ worrè, Hèrschteller isch diè Dütsch Linux-Dischtribution (DLD) gsi, uss derrè denn d Red Hat GmbH druuss hervorgangè isch. Am 11. Auguscht 1999 isch Red Hat mit èm Initial Public Offering vo sechs Millionè Aktiè zum Prys vo 14 $ pro Aktiè a d Börse NASDAQ gangè. Am 15. Novembèr 1999 hèt d Red Hat bekannt gää, dass si dè Open-Source-Entwickler Cygnus Solutions übbernää düèn. Red Hat isch sitdem au für Cygwin voantwortlich. Anderi Übbernaamè sin denõch gfolgèt, drunter unter anderem d ArsDigita, d Sistina un dè Netscape-Directory-Server.
2003 hèt d Red Hat beschlossè, sich zuèkümpftig nu no uf Unternèmmènskundè, wo dü gröschte Deil vom Red-Hat-Umsatz generyrt hèn, z konzentryrè. Uss sellèm Grund isch d Witterentwicklig vom Red Hat Linux (RHL) formèll a s Community-Brojèkt Fedora abgää worrè. Dõby bschtòt s Chèrnteam vo Fedora witerhy uss Entwickler, wo vo dè Red Hat zallt wörred, d Möglichkeit vo dè Beteiligung durch Freiwilligi isch abber wesèntlich größer un umfangrycher als früèner. Uff dè Fedora-Codebase basyrt sitdèm s Red Hat Premium-Produkt für Unternèmmenskundè, Red Hat Enterprise Linux. (RHEL) Am 19. Oktobèr 2005 hèt dè Unternèmmènsmitbegründer Bob Young s Unternèmmè volõ, um sich brivatè Brojèkt z widmè.
Hüt isch d Red Hat Marktfüürer im Berych vo dè Linux-Dischtributionè für Server.[3] Red Hat hèt wältwit übber 6000 Mitarbeiter un 70 Büros.[1][4] Dè Stammsitz lyt z Raleigh i dè USA.
S Unternèmmè isch aktiv uff dè Gebièt vo dè Entwicklig, Yfüürig un Management vo Linux- un Open-Source-Lösigè für Netzwärch-Infraschtrukturè. S Broduktaagebot gòt deby vo ybettetè Sischteem bis zu dè Webserver un umfasst zuèsätzlichi Support-, Trainings- un Managementaagebot.
Red Hat hèt im Juni 2006 d Akquisition vo JBoss abgschlossè. Durch dè Erwèrb vo JBoss, im wältwit füürendè Aabièter vo Open Source Middleware, cha Red Hat d Entwicklig hy zuè Serviceorientyrtè Architekturè (SOA) beschlüünigè. S Unternèmmè ermöglicht asè au dè Betrièb vo webfähigè Aawendigè uff èrè Open-Source-Blattform.
Nòch èm Rüggdritt von Szulik hèt dè Jim Whitehurst im Johr 2008 ym sini Nõchfolg als CEO un Bräsident aadrettè.
2010 isch Red Hat zum widderholtè Mòl i dè Top-10-Lischtè vo dè Unternèmmè, wo diè meischtè Commits zum Linux-Kernel gmacht hèn. 12,4 Brozènt vom Büèz am Kernèl hèt vo Programmyrer gschtammt, wo vo Red Hat zallt wörred. Dòmit sin si uff Blatz zwei, nõch dè Gruppè vo dè unbezaaltè Bydrägendè.[5]
Brodukt
[ändere | Quälltäxt bearbeite]D Brodukt wörred als kommerzièlli Software entwicklèt un vodribbè, wo meischtens èng mit èm Fedora-Brojèkt zämmèhänge duèt.
Zu dè aabotenè Brodukt ghört zum eintè è Linux-Betrièbssischteem. D Entwicklig erfolgt im Raamè vom Fedora-Brojèkt (früèner Fedora Core). Diè vomarkteti Variantè mit Aapassigè un besser erprobtè Versionè vo Softwarepakeet drait d Bezeichnig Red Hat Enterprise Linux.
Mit dè JBoss Enterprise Middleware Suite (JEMS) biètet Red Hat Lösigè i dè Berych Applikationsserver (JBoss Application Server, Apache Tomcat), Objèkt-/relationali Persischtènz (Hibernate), Bortàl-Blattform (JBoss Portal), Workflow / Business Process Management / BPEL (JBoss jBPM), Business Rules (JBoss Rules), Objèkt-Datè-Cache (JBoss Cache), Vodeilts Transaktions-Management (JBoss Transactions), Enterprise Messaging (JBoss Messaging) sowiè Entwickligstools (JBoss Eclipse IDE) aa.
Dè vo dè Netscape erworbeni LDAP-kompatible Vozeichnisdiènscht wörd im Raamè vom Fedora Directory Server-Brojèkt entwicklet un isch kommerzièll als Red Hat Directory Server benamst. S ebbèfalls erworbeni Zertifizyrigssischteem (Red Hat Certificate System) betreut s Brojèkt Dogtag Certificate System.
Zur Zit wörd au an èrè umfassendè, zentralisyrtè Vowaltigsblattform für voschideni Betrièbssischteem un Blattformè gschaffet: FreeIPA. Si voeint Technigè wiè Kerberos, LDAP, DNS un NTP, un umfasst au diè Berych „Identidätskontrollè“ (Identity), „Richtlinniè“ (Policy) un „Übberwachig“ (Audit) von èrè heterogenè Client/Server-Computerlandschaft.
Erwäänenswärt sin au s Global File System (GFS) un d Cluschter Suite.
Im witerè unterschtützt Red Hat villi anderi Opensource-Brojèkt wiè dè Linux Kernèl, Samba un OpenJDK in Form vo IcedTea. Red Hat isch s Gründigsmitglièd vo dè Open Source Business Alliance, früèner Lisog.
Vomarktig
[ändere | Quälltäxt bearbeite]Allnè Brodukt isch gmeinsam, dass si für Gschäftskundè uusglait sin un nu mit Support-Vodrääg z erwerbè sin. È Chèrnkomponentè vo dè Kundè-Unterschtützig stellt dõby s Red Hat Network dar. Brodukt für Endnutzer stellt d Red Hat zurzit nit zur Vofüègig. S Unternemmè finanzyrt sich ußerdèmm durch Berõtigè, Schuligè sowiè Management vo exischtyrendè Lösigè un Zertifizyrigè.
Byschpill: Um Enterprise-Kundè, Sischteemintegratorè un Softwarehèrschteller bi dè Maximyrig vom Return on Investment durch dè Ysatz vo dè JBoss-Enterprise-Middleware-Suite-Brodukt optimal z unterschtützè, biètet d Red Hat in Form vom Dochterunternèmmè JBoss è umfassends Leischtungs-Portfolio uss technischè Support (JBoss Subscription), Consulting sowiè Training un Zertifizyrigè aa.
In China ist Red Hat eine Partnerschaft mit der Distribution Red Flag Linux eingegangen.
Red-Hat-Zertifikat
[ändere | Quälltäxt bearbeite]Red Hat biètet sechs Zertifizyrigè für iri Dischtribution aa:
- Red Hat Certified System Administrator (RHCSA)
- Red Hat Certified Engineer (RHCE)
- Red Hat Certified Virtualisation Administrator (RHCVA)
- Red Hat Certified Data Center Specialist (RHCDS, nu bis un mit Version RHEL6.)
- Red Hat Certified Security Specialist (RHCSS, nu bis un mit Version RHEL6.)
- Red Hat Certified Architect (RHCA)
Selli Zertifikat sin kei Ergänzigè zum LPI, sondern eigèschtändigi Zertifizyrigè.
Witeri Zertifizyrigè wörred für dè JBoss Application Server aabotè.
Fedora
[ändere | Quälltäxt bearbeite]![](http://178.128.105.246/content-http-upload.wikimedia.org/wikipedia/commons/thumb/8/8f/Fedora_logo_%282021%29.svg/220px-Fedora_logo_%282021%29.svg.png)
Red Hat sponsert s Fedora-Brojèkt, eini vo dè Community draiti Linux-Dischtribution, derrè iren Fokus uff èm Ysatz vo aktueller un freier Software lyt. Einigi Füürungsbositionè innerhalb vom Fedora-Brojèkt sin mit Red-Hat-Mitarbeiter bsetzt. So isch es möglich, neui Technigè im Fedora yzsetzè un vo dè Community teschtè z lõ, bevor si im Red Hat Enterprise Linux, welles uff Fedora basyrt, oft in Untermèmmè, also broduktyv, zum Ysatz chunnt.
Weblinggs
[ändere | Quälltäxt bearbeite]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- redhat.de – Websitè vo dè Red Hat
- Gschichtè vom Red Hat Linux (änglisch)
- Übbersicht übber Red-Hat-Brodukt un -Lösigè (änglisch)
Einzelnõchwys
[ändere | Quälltäxt bearbeite]- ↑ 1,0 1,1 Investor FAQs
- ↑ Quartalsbericht 4/2013 vo dè Red Hat Archivlink (Memento vom 14. Juli 2014 im Internet Archive)
- ↑ Colin Phipps: „Strong growth for Debian“ (Memento vom 16. Septämber 2008 im Internet Archive) uff netcraft.com, 5. Dezember 2005
- ↑ „Unternehmensinformationsblatt für Red Hat“ uff dè Red-Hat-Websitè, 2011
- ↑ linux-magazin vom 2. Dezembèr 2010
![]() |
Dä Artikel basiert uff ere fräie Übersetzig vu dere Version vum Artikel „Red_Hat“ vu de dütsche Wikipedia. E Liste vu de Autore un Versione isch do z finde. |