Tupolew
Dialäkt: Bärndütsch |
Tupolew OAO
Открытое акционерное общество „Туполев“ | |
---|---|
![]() | |
Unternähmensform | Aktiegsellschaft |
Sitz | Moskau, ![]() |
Branche | Flugzüügbou |
Uffdritt im Netz | www.tupolev.ru |
Ds russische Unternähme Tupolew (russisch Открытое акционерное общество „Туполев“/Otkrytoje akzionernoje obschtschestwo „Tupolew“, änglisch: Tupolev Public Stock Company; früher OKB Tupolew) mit Sitz z Moskau, isch eine vo de eltischte Flugzüügbouer vo der Wält u het mal zu de wichtigschte Härsteller vo Flugzüüg ghört. Sit Ändi 2006 ghört Tupolew zum neu gründete russische Luftfahrtkonsortium OAK.
Gschicht
[ändere | Quälltäxt bearbeite]![](http://178.128.105.246/content-http-upload.wikimedia.org/wikipedia/commons/thumb/3/3f/Tupolev_Tu-160_in_flight.jpg/220px-Tupolev_Tu-160_in_flight.jpg)
Der Andrei Nikolajewitsch Tupolew wo zäme mit em Nikolai Jegorowitsch Schukowski ds ZAGI gründet het, isch ou em sowjetische staatleche Usschuss zur Untersuechig vo der Verwändig vo Metall im Flugzüügbou vorgstande. Am 22. Oktober 1922 het är du sys eigete Konschtrutkitonsbüro ygrichtet. Das het der Name OKB Tupolew treit.
Insgesamt sy bishär über 300 Flugzüügprojekt entstande, us dene het’s öppe 90 Prototype gäh. Meh als 40 Flugzüügtype hei d Serieproduktion erreicht. 18.000 zivil u militärischi Tupolew-Flugzüüg sy produziert worde. Aber nur wenigi Hundert Exemplar dervo sy Exportiert worde. E technologische Usnahmestellig nimmt derby ds Überschallverchersflugzüüg Tu-144 y.
Im Jahr 2000 isch d OKB in ne Aktiegsellschaft umgwandlet worde, wo näbe de Alage z Moskau ou über ne Produktionsstett z Uljanowsk verfüegt. 2006 isch d OKB under em Dach vo der OAK faktisch wider verstaatlechet worde.
I der Produktion, ds meischte der vo z Kasan, sy zurzyt ds Mittelstreckeflugzüüg Tu-204/Tu-214. I der Entwicklig befindet sech ds Transportflugzüüg Tu-330 u ds Regionalverchersflugzüüg Tu-324/Tu-414. Elteri Modäll wi d Tu-134 u Tu-154 sy bis zu der Usmuschterig vo dene Flugzüüg vilfach im Heimwärch umgrüschtet oder mit neue Triibwärch usgrüschtet worde.
Näbe de zivile Boureihe wird der militärisch Langstrecke-Überschallbomber Tupolew Tu-160 unterhalte. Vo däm söll’s e neui Version gä. Lut ere Absicht us em Jahr 2015 sölle d Luftstrytchreft vo der Russische Föderation ab 2023 50 Stück dervo übercho.[1][2]
Für di eltere Modäll, wi der Schwänkflügelbomber Tu-22M oder der Turboprop-Langstreckebomber Tu-95/Tu-142, wärde Umrüschtige u Reperature vorgno. D Produktion isch aber ygstellt worde.
Militärischi u zivili Flugzüügtype
[ändere | Quälltäxt bearbeite]![](http://178.128.105.246/content-http-upload.wikimedia.org/wikipedia/commons/thumb/f/f2/Tupolev_Logo_historisch.svg/220px-Tupolev_Logo_historisch.svg.png)
D Flugzüüg ANT-1 bis ANT-6 sy nid z verächsle mit sächs Propällerschlitte mit glychem Name, wo äbefalls vo OKB Tupolew zwische 1922 bis 1924 sy boue worde, mit dene Versueche für e Übergang vo der Holz zur Ganzmetallbouwys i der sowjetische Luftfahrt düregfüehrt worde sy.
D Tupolew A-3 isch e Amphibiefahrzüüg.
Literatur
[ändere | Quälltäxt bearbeite]- Rudolf Höfling: Tupolew. Flugzeuge seit 1922. Motorbuch, Stuttgart 2012, ISBN 978-3-613-03459-4.
Quelle
[ändere | Quälltäxt bearbeite]- ↑ Patrick Hoeveler: Russland will Tupolew Tu-160 wieder bauen. FlugRevue, 29. Mai 2015, abgrüeft am 24. Dezämer 2019: „Die russischen Luftstreitkräfte wollen mindestens 50 Exemplare der Tupolew Tu-160M Blackjack beschaffen. Die Produktion des strategischen Bombers war in den 1990er-Jahren aus Geldmangel eingestellt worden.“
- ↑ TASS: Military & Defense – Russia’s upgraded Tu-160 strategic bomber started flight trials last week — source. In: tass.com. 24. Januar 2018, abgrüeft am 24. Dezember 2019 (änglisch): „„the new plane was not a modernized bomber prototype. The plane underwent only small-scale upgrade while its airframe and the engines have remained the same,…““
![]() |
Dä Artikel basiert uff ere fräie Übersetzig vu dere Version vum Artikel „Tupolew“ vu de dütsche Wikipedia. E Liste vu de Autore un Versione isch do z finde. |