Wigge
Wigge | ||||||||||
---|---|---|---|---|---|---|---|---|---|---|
Systematik | ||||||||||
| ||||||||||
Wüsseschaftlige Name | ||||||||||
Strix aluco | ||||||||||
Linnaeus, 1758 |
![](http://178.128.105.246/content-http-upload.wikimedia.org/wikipedia/commons/thumb/8/80/Strix_aluco_sylvatica_MHNT.ZOO.2010.11.153.6.jpg/220px-Strix_aluco_sylvatica_MHNT.ZOO.2010.11.153.6.jpg)
D Wigge oder au Tootevogel (Strix aluca; alemanischi Näme) isch di hüüffigsti Üülenart vo Mitteleuropa und bliibt s ganz Joor doo. I de Alpe chunnt si bis 2000 müM vor.
Uussie
[ändere | Quälltäxt bearbeite]D Wigge isch e bruu-wiisse rundliche gscheggete Vogel miteme groosse runde Chopf und groosse schwarzen Auge und emene chliine geele Schnabel. De Chopf cha si 270 Grad drüle. Im Onderschid zo anderne Üüle het si kai Federoore. Mandli und Wiibli gsiend gliich uus. So wered 37 bis 43 cm grooss, hend e Spannwiiti vo 81 bis 105 cm und wöget 330 bis 590 Gramm.
Lebeswiis
[ändere | Quälltäxt bearbeite]D Wigge lebt i Wälder, Pärk und Fridhööf mit vill Altholz. S Nest baut si i Bommhöölene, Vogelhüsli oder au uf Tachböde. Wenn z wenig Fressen umen isch, füetteret si nume s ältiste vo de Junge und loot die andere lo serble. Si vertaidigt s Nest recht agressiv und griift denn sogär Menschen aa.
Si isch nachtaktiiv und glaitet uf de Jagd imene luutloose fluug dör d Luft. Si fangt Insekte, Müüs und Vögel.
Bsundrigs
[ändere | Quälltäxt bearbeite]Früener hend d Lüt globt, as d Wigge s Wiibli vom Schuderöüel sai. De Ruef vo de Wigge het as e bööses Vorzaiche ggolte, wo de Tood vo Mensch azaigt het, drum werd si hüüffig Totevogel gnennt.
Büecher
[ändere | Quälltäxt bearbeite]- Einhard Bezzel: Vögel. BLV Verlagsgesellschaft, München 1996, ISBN 3-405-14736-0.
- Urs N. Glutz von Blotzheim, Kurt M. Bauer: Handbuch der Vögel Mitteleuropas – Columbiformes bis Piciformes (Bd. 9). Aula Verlag, 1980, 1994, ISBN 3-89104-562-X.
- Felix Heintzenberg: Greifvögel und Eulen – Alle Arten Europas. Kosmos Verlag, Stuttgart 2007, ISBN 978-3-440-10695-2.
- Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7.
- Theodor Mebs, Wolfgang Scherzinger: Die Eulen Europas. Biologie, Kennzeichen, Bestände. aktualisierte und überarbeitete Ausgabe. Kosmos Verlag, Stuttgart 2008, ISBN 978-3-440-11642-5.
- Manfred Melde: Der Waldkauz. Die Neue Brehm-Bücherei 364. A. Ziemsen Verlag, 1989, ISBN 3-7403-0229-1.
- Heinz Staffelbach: Handbuch Schweizer Alpen; Bern 2008.ISBN 978-3-258-06895-4.
Weblink
[ändere | Quälltäxt bearbeite]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Strix aluco in dr Rote Lischt vu dr gfehrdete Arten vu dr IUCN 2008. Yygstellt vu: BirdLife International, 2008. Abgruefe am 19. November 2008