Zoll (Behörde)
Dr Zoll isch e Deil von ere Staatsverwaltig, wo dr Warevercheer zwüsche de Länder tuet aaluege und vo deil Sache a dr Landesgränze en Abgoob yziet.
D Zölner kontroliere im Zollgebiet vome Land dr Handel mit de Güeter, so wyt s vom Gsetz vorgseh isch. Und si vrfolge d Schmuggler, wo unerlaubti Sache uf gheime Wääg und öppen au versteckt i de Auto oder uf anderi Aarte ines Land ynebringe. Do goot’s au em nid erlaubti frömdi Dier und Pflanze. Es het nid nume a de Landesgränze Zollpöschte, sondern au uf de Flughäfe, wil d Passaschier vo dört us eme Staat wägflüüge oder dört ynechöme. In Weschteuropa isch mit em Vertraag vo Schengen dr gröscht Deil vo de Gränzkontrollen abgschafft worde.
Z Dütschland isch d Bundeszollverwaltig für d Warekontrolle a dr Gränze, füre Wasserzoll am Meer und für gwüssi Stüüre und anderi Sache zueständig. Und es isch au iri Sach, gäge d Schwarzarbet vorzgoo.
Z Öschtrych heisst d Berhörde mit de ähnlechen Ufgaabe d Zollverwaltig. Bis anne 2004 het men au Zollwach gseit.
Frankrych het d Direction Générale des Douanes et Droits Indirects.
Italie het d Agenzia delle Dogane und d Guardia di Finanza.
I dr Schwiiz isch die Äidgnössischi Zollverwaltig für Zollsache, gwüssi Stüüre, d Schwärvercheersabgaab und anders zueständig. Drby tuer ere s Gränzwachtkorps hälfe.
-
Zolldafele vom Splüügepass
-
s dütsche Zollschiff Helgoland
-
am alte Zollhuus vo Bourg-Saint-Pierre im Wallis het’s es Wandbild mit Schmuggler und eme Zölner
Weblink
[ändere | Quälltäxt bearbeite]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)