Albaneses
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Albaneses Shqiptarë | ||||||||||||||||||
---|---|---|---|---|---|---|---|---|---|---|---|---|---|---|---|---|---|---|
![]() | ||||||||||||||||||
| ||||||||||||||||||
![]() | ||||||||||||||||||
| ||||||||||||||||||
Albanés | ||||||||||||||||||
Islam (predominant), cristianismo | ||||||||||||||||||
Altras etnias indoeuropeas | ||||||||||||||||||
![]() |
Os albaneses[4] (en albanés Shqiptarët) son un grupo humán que tien en común l'idioma albanés, una cultura albanesa y uns antipasatos albaneses.
A mitat d'a etnia vive en Albania y l'atra mitat en Kosovo y en Macedonya d'o Norte. Bi ha minorías albanesas en muitos países, estando as mes importants en Grecia y Italia.
Organización social
[editar | modificar o codigo]A sociedat tradicional en a zona a lo norte d'o río Skumbi ha conservau elementos arcaicos, como a conservación d'a organización en tribus. A suya importancia ye tan gran que dica as tierras de cautivo y pastura perteneixen a esta entidat d'agrupación humana. Ni sisquiera o rechimen comunista podió fer desapareixer esta forma d'organización.[5]
Orichen
[editar | modificar o codigo]![](http://178.128.105.246/content-http-upload.wikimedia.org/wikipedia/commons/thumb/9/96/Tosk_Albanians.jpg/200px-Tosk_Albanians.jpg)
Os albaneses son descendients d'un pueblo paleobalcanico. Bi ha diferents hipotesis sobre o suyo orichen. Una de tradicional diz que son descendients d'os ilirios, una tribu d'a branca centum d'os pueblos indoeuropeus. D'estar asinas, a suya luenga derivariba d'a luenga iliria. Sindembargo a evidencia lingüistica amuestra que o caracter de l'albanés ye mes cerca d'a branca satem y huei cada vegata prene mes importancia a teoría que relaciona l'albanés actual con a luenga daca adintro d'a branca tracia, con una hipotesi que relaciona o pueblo albanés baixo medieval con poblacions dacas no romanizatas que se refuchioron en l'Imperio Romano en tiempos d'as primeras invasions chermanicas (presencia de godos en Ucraína y Rumanía) y d'os hunnos, que tamién causoron movimientos de población.
L'orichen d'os albaneses ye estato un problema de disputa mientres muito tiempo. Manimenos o suyo idioma, l'albanés, ye clarament una luenga indoeuropea. O suyo vocabulario contién palabras griegas, latinas, eslavas y turcas, encara que a luenga per se no tien familiars vivos cercans, cosa que en fa difícil a filiación adintro d'o tronco lingüistico balcanico antigo.
O primer estato con una clase dirichent albanesa estió o Principato d'Arbër u d'Arbëria, que duró dende l'anyo 1190 dica l'anyo 1255.
Mapas
[editar | modificar o codigo]-
Etnias d'Albania en 1898
-
Etnias d'Albania en 1911
-
Minorías en Albania
-
Os albaneses en Europa
Referencias
[editar | modificar o codigo]- ↑ [1]
- ↑ 2,0 2,1 [2]
- ↑ (es) Nacidos en el extranjero, residentes en Aragón en 2021. Instituto Aragonés de Estadística
- ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
- ↑ (es) Francisco Villar: Los indoeuropeos y los origenes de Europa. Lenguake e historia. Editorial Gredos, 1991. pp 282-285