Chaime I d'Urchel
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Chaime I d'Urchel | |
---|---|
Conte d'Urchel | |
![]() Siello de Chaime d'Aragón, conte d'Urchel y vizconde d'Àger | |
1328-1347 | |
Predecesor | Alifonso IV d'Aragón |
Succesor | Cecilia I d'Urchel |
Atros títols | |
Vizconte d'Àger, barón d'Alcoleya de Cinca, Entenza y Antillón | |
Naixencia | 1321![]() |
Muerte | 15 de noviembre de 1347![]() |
Enterreco | Seu de Barcelona |
Conchuche/s | Cecilia I d'Urchel |
Descendencia | Pero II d'Urchel (1340-1408), conte d'Urchel Isabel d'Urchel y Aragón, que ye casó con Hugo II de Cardona |
Dinastía | Casa d'Aragón-Urchel |
Pai | Alifonso IV d'Aragón |
Mai | Tresa d'Entenza |
![]() |
Chaime I d'Urchel (Zaragoza, Aragón, 1321 - Barcelona, Catalunya, 15 de noviembre de 1347) estió conte d'Urchel, vizconte d'Àger y barón d'Alcoleya de Cinca, Entenza y Antillón entre os anyos 1328 y 1347.
Orígens familiars
[editar | modificar o codigo]Yera fillo d'o rei d'Aragón Alifonso IV y a suya muller a reina consort y condesa d'Urchel Tresa d'Entenza. Se casó con Cecilia I d'Urchel y, en morir en 1336 o suyo suegro, o conte Bernal VIII de Comenge, reivindicó, sin garra exito, os dreitos d'a suya muller a la succesión d'iste condau.
Relacions con la cort
[editar | modificar o codigo]![](http://178.128.105.246/content-http-upload.wikimedia.org/wikipedia/commons/thumb/8/87/Barcelona_Cathedral_Interior_-_Royal_tombs_in_the_Cathedral_of_Barcelona_-_The_Kings.jpg/220px-Barcelona_Cathedral_Interior_-_Royal_tombs_in_the_Cathedral_of_Barcelona_-_The_Kings.jpg)
As intrigas d'a suya madrastra, Alionor de Castiella, provocoron a perduga d'una buena parti d'os dominios condals (Alòs, Ivars, Meià...) buena parti d'os cuals pasoron a os fillos d'ista, os infants Ferrando y Chuan.
Como procurador cheneral d'o reino, estió leyal a o suyo chirmán, o rei Pero IV d'Aragón, metendo-se en cuantas ocasions en contra d'a suya chirmana Constanza d'Aragón y d'Entenza, reina consort de Mallorca. Pero, dimpués, Pero lo Ceremonioso proclamó hereua a la suya filla primochenita, a infanta Constanza d'Aragón y de Navarra, desheredando asinas a Chaime I d'Urchel, que yera l'hereu d'os reinos si Pero moriba sin fillos varons. Chaime marchó ta Zaragoza y encabezó a revuelta nobiliaria d'a Unión Aragonesa, ya que como barón d'Entenza yera tamién un noble aragonés. Ista revuelta levó enta la guerra d'a Unión.[1]
Casamiento y descendients
[editar | modificar o codigo]En 1336 se casó con Cecilia de Comenche, hereua d'o condau de Comenche, y con qui tenió a:
- Pero II d'Urchel (1340-1408), conte d'Urchel
- Isabel d'Urchel y Aragón, que se casó con Hugo II de Cardona
Morió en Barcelona o 19 de noviembre de 1347, a os 27 anys, mientres as celebracions d'as segundas nupcias d'o rei con Alionor de Portugal, a causa d'una malautía. Os remors d'enverenamiento induciu por o rei, que circulaban ya en a epoca, no teneban garra fundamento.
O condau paso a mans d'a suya muller, Cecilia I d'Urchel.
Referencias
[editar | modificar o codigo]Bibliografía
[editar | modificar o codigo]- (ca) "Gran Enciclopedia Catalana", texto de Miquel Coll i Alentorn, p. 736 (ISBN 84-85194-00-4)