Correchimiento
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un correchimiento yera, en o Dreito castellano, una división administrativa establita en a Edat Meya, dirichita por un correchidor, con una amplaria similar a la d'una d'as actuals comarcas. Cuan, por os Decretos de Nueva Planta, se suprimió o Dreito Politico propio d'os territorios d'a Corona d'Aragón, se suprimioron as divisions administrativas propias d'Aragón, substituitas por ista institución castellana, que tamién s'emplegaba ta los territorios conquiestos por o Reino de Castiella en America.
En 1833 desapareixioron os correchimientos, cuan Javier de Burgos creyó l'actual división territorial d'Espanya en provincias.
Correchimientos en Aragón
[editar | modificar o codigo]Dimpués d'os Decretos de Nueva Planta, s'establioron en Aragón os siguients 14 "correchimientos", reducindo-se a 13 cuan en 1716 desapareixió o correchimiento de Carinyena:
- Correchimiento de Zaragoza
- Correchimiento de Calatayú
- Correchimiento de Daroca
- Correchimiento de Teruel
- Correchimiento de Albarracín
- Correchimiento d'Uesca
- Correchimiento de Tarazona
- Correchimiento de Borcha
- Correchimiento de Ribagorza
- Correchimiento de Balbastro
- Correchimiento de Carinyena
- Correchimiento de Chaca
- Correchimiento de Cinco Villas, con capital en Exeya d'os Caballers. No nomás incluyiba l'actual comarca de Cinco Villas, tamién os territorios de l'actual partiu chudicial d'Exeya d'os Caballers que fan parte d'as comarcas d'a Plana de Uesca y d'a Chacetania, amás d'atros territorios en os Pireneus, incluyindo-ie a val d'Echo.
- Correchimiento d'Alcanyiz
Se veiga tamién
[editar | modificar o codigo]Bibliografía
[editar | modificar o codigo]- GIMÉNEZ LÓPEZ, E. La Nueva Planta de Aragón: corregimientos y corregidores en el reinado de Felipe V. Argensola: Revista de Ciencias Sociales del Instituto de Estudios Altoaragoneses, ISSN 0518-4088, Nº 101, 1988, pp. 9–50.
- GIMÉNEZ LÓPEZ, E. y IRLES VICENTE, Mª. C. La Nueva Planta de Aragón: División y evolución corregimental durante el siglo XVIII. Studia historica. Historia moderna, ISSN 0213-2079, Nº 15, 1996, págs. 63-82
- MORENO NIEVES, J.A. Los municipios aragoneses tras la Nueva Planta: la nueva administración y su personal político. Revista de Historia Moderna, nº 13-14, 1995, pp. 165–184.