Manuel Giménez Abad
Manuel Giménez Abad | |
---|---|
![]()
| |
12 de chulio de 1995 – 5 d'agosto de 1999 | |
President | Santiago Lanzuela Marina |
Gubierno | Gubierno Lanzuela |
Precediu por | Ramón Tejedor Sanz |
Succediu por | José Ángel Biel Rivera |
7 de chulio de 1999 – 6 de mayo de 2001 | |
31 de marzo de 2000 – 6 de mayo de 2001 | |
24 de febrero de 2001 – 6 de mayo de 2001 | |
Precediu por | Santiago Lanzuela Marina |
Succediu por | Gustavo Alcalde Sánchez |
Naiximiento | 4 d'aviento de 1948![]() |
Muerte | 6 de mayo de 2001![]() |
Partiu | Partido Popular de Aragón |
Profesión | Politico y avogau |
Alma Máter | Universidat de Navarra |
Manuel Giménez Abad (Pamplona, 4 d'aviento de 1948 - Zaragoza, 6 de mayo de 2001) estió un politico aragonés perteneixient a o Partido Popular de Aragón y president d'o mesmo, asasinau por a banda terrorista ETA en 2001.
Formación y carrera
[editar | modificar o codigo]Naixiu de Pamplona o 4 d'aviento de 1948, estudió Dreito en a Universidat de Navarra, a on una vegada licenciau impartió docencia, como tamién en l'Instituto Aragonés d'Administración Publica y en a Universidat de Granada.
Pasó a perteneixer a o Cuerpo Superior d'Administradors Civils d'o Estau. Astí ocupó relevants puestos, como Secretaire de l'Instituto d'Estudios Administrativos, Chefe d'a Sección de Selección y Perfeccionamiento de Funcionarios de Titulación Superior, y Consellero Tecnico.
Siempre ligau a l'administración, ingresó en a Deputación Cheneral d'Aragón, a on en 1995 plegó a o cargo de Consellero de Presidencia y Relacions Institucionals d'o Gubierno d'Aragón.[1]
En 1999 fue eslechiu deputau a las Corz d'Aragón por o Partido Popular, y dimpués senador por a Comunidat Autonoma d'Aragón.
O 24 de febrero de 2001 fue nombrau president d'o Partido Popular de Aragón, sustituyindo en o cargo a Santiago Lanzuela. Iste asumió a dirección d'o partiu en un momento critico debiu a la presión social en Aragón contra o Plan Hidrolochico Nacional y o trasvase de l'Ebro.[2]
Asasinato
[editar | modificar o codigo]O 6 de mayo de 2001 n'iba con un d'os suyos fillos a o estadio de la Romareda de Zaragoza a veyer un partiu de fútbol d'o Real Zaragoza cuan un miembro d'a banda terrorista ETA le pretó tres tiros por a esquena, dos d'els en o tozuelo. Os servicios sanitarios plegoron ascape ta o puesto, pero no pudioron reanimar-lo.[3]
A o día siguient, se fació una gran manifestación en a capital aragonesa d'a que facioron parti más de 350.000 personas, convocada por todas as fuerzas politicas, en repulsa por o crimen.[4] Os suyos funerals y sepelio se facioron en a localidat de Chaca (Uesca), a on heba pasau gran parti d'a suya choventut. A o funeral acudió l'alavez president d'o Gubierno, José María Aznar.[5][6]
Homenaches
[editar | modificar o codigo]![](http://178.128.105.246/content-http-upload.wikimedia.org/wikipedia/commons/thumb/1/1f/Placa_a_la_memoria_de_M._Gim%C3%A9nez_Abad.jpg/220px-Placa_a_la_memoria_de_M._Gim%C3%A9nez_Abad.jpg)
Un día dimpués d'o suyo asasinato, o Concello de Zaragoza lo nombró fillo adoptivo d'a ciudat.[7] O 20 de mayo d'ixe mesmo mes, os suyos fillos reculloron de mans d'o president d'o Real Zaragoza, Alfonso Soláns, a títol postomo, a insignia d'oro y brillants, a maxima distinción d'o club, d'o que yera socio Giménez Abad.[8] Días dimpués, as Corz d'Aragón le imposoron a títol postomo a medalla d'a institución. Amás, en 2002 fue inaugurau o puent Manuel Giménez Abad sobre l'Ebro con o suyo nombre, disenyau por Javier Manterola Armisén.[9] Tamién en a suya memoria se creyó a Fundación Manuel Giménez Abad d'Estudios Parlamentarios y d'o Estau Autonomico, fundada por as Corz d'Aragón, o Concello de Jaca, Ibercaja y a Caja Inmaculada.
O 5 de mayo de 2021, en o XX cabo d'anyo d'a suya muerte, o Concello de Zaragoza rendió homenache a la suya fegura con o descubrimiento d'una placa informativa en a suya memoria en o puesto a on fue asasinau.[10]
Referencias
[editar | modificar o codigo]- ↑ (es) Fundación Manuel Giménez: Biografía.
- ↑ (es) Manuel Giménez Abad, de consejero independiente a líder del PP en Aragón. Aragón Digital.com. 6 de mayo de 2001
- ↑ (es) asesina al presidente del Partido Popular, Manuel Giménez Abad, con tres tiros en pleno centro de Zaragoza. Aragón Digital.com, 6 de mayo de 2001
- ↑ (es) Clamor unánime contra ETA. Aragón Digital.com, 2 de setiembre de 2011
- ↑ (es) Multitudinario funeral en la catedral de Jaca. Aragondigital.es
- ↑ (es) Aragón, de luto
- ↑ (es) El Ayuntamiento de Zaragoza nombra hijo adoptivo a Manuel Giménez Abad
- ↑ (es) Los hijos de Giménez Abad reciben la medalla del Real Zaragoza. Aragón Digital.com
- ↑ (es) Giménez Abad, Gran Cruz postoma de la Real Orden de Reconocimiento Civil
- ↑ (es) Zaragoza recuerda a Manuel Giménez Abad en el XX aniversario de su asesinato a manos de ETA. Aragondigital.es, 5 de mayo de 2021
Predecesor: Ramón Tejedor Sanz |
Consellero de Presidencia y Relacions Institucionals d'o Gubierno d'Aragón 12 de chulio de 1995 - 5 d'agosto de 1999 |
Succesor: José Ángel Biel Rivera |
Predecesor: Santiago Lanzuela Marina |
President d'o Partido Popular de Aragón 24 de febrero de 2001 - 6 de mayo de 2001 |
Succesor: Gustavo Alcalde Sánchez |
- Avogaus de Navarra
- Consellers de Presidencia d'a Deputación Cheneral d'Aragón
- Deputaus en as Corz d'Aragón por a circumscripción electoral de Uesca
- Deputaus d'a V Lechislatura d'as Corz d'Aragón
- Gubierno Lanzuela
- Politicos de Navarra
- Politicos d'o Partido Popular de Aragón
- Presidents d'o Partido Popular de Aragón
- Senadors por designación d'as Corz d'Aragón
- Senadors d'a VII Lechislatura d'Espanya
- Naixius de Pamplona
- Muertos en Zaragoza
- 1948 (naixencias)
- 2001 (muertes)