Plantago
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Plantago | |
---|---|
Plantago lanceolata | |
Denominacions populars | |
Plantaina
| |
Clasificación cientifica | |
Eucariotas | |
Plantae | |
Magnoliophyta | |
Magnoliopsida | |
Lamiales | |
Plantaginaceae | |
Plantago | |
Descripción | |
Plantago
Linné, 1753 |
Plantago (Linné, 1753) ye un chenero de plantas d'a división Magnoliophyta, clase Magnoliopsida, orden Lamiales y familia Plantaginaceae. Presenta un porte herbacio. Cualsiquier especie d'este chenero recibe a denominación de plantaina en aragonés.
Presenta unas fuellas con una nerviación bien visible en o envés.
Fitonimia
[editar | modificar o codigo]Bel autor considera que o fitonimo latín PLANTAGO se relaciona con a "planta d'o piet" basando-se en o pareixito d'as nerviacions d'a fuella con os tendons d'o piet.
En aragonés as especies d'este chenero se dicen con una palabra patrimonial derivata de l'acusativo de PLANTAGO, "plantaina" < PLANTAGINEM, que se troba documentata en muitos lugars actualment castellanoparlants pero on se charró o romanz nabarro-aragonés: a part de lugars d'Aragón como Torrociella d'Alcanyiz,[1] La Rioja Baixa, as comarcas churras, y tamién se documenta en o catalán d'o Mezquín-Guadalop y part d'o Matarranya: Auguaviva, La Chinebrosa, La Torre de Viliella, La Codonyera, La Canyada de Beric, Belmont, Val Chunquera, Fórnols, Mazalión y Maella.[2] En os dos casos representa un aragonesismo, por decir-se en castellano llantén y en catalán plantatge, os dos cognatos d'una palabra que por conservar a fonetica aragonesa conserva o grupo inicial PL- latín. A filolochía tradicional espanyola ha considerato que esta palabra ye un mozarabismo, pero en mozarabe ye documentato como Plantayn y en aragonés ye relativament común a presencia de fitonimos con o sufixo -aina: "borraina", "ferraina", "tintilaina", ecetra.
Especies
[editar | modificar o codigo]Galería
[editar | modificar o codigo]-
flor d'a Plantago lanceolata
Referencias
[editar | modificar o codigo]- ↑ José Pardo Sastrón Catálogo o enumeración de las plantas de Torrecilla de Alcañiz así espontáneas como cultivadas Edición facsímil. Instituto de Estudios Turolenses, Centro de Estudios Bajoaragoneses
- ↑ Artur Quintana i Font El parlar de la Codonyera, resultats d'unes enquestes: resumen de la tesis presentada para aspirar al grado de Doctor en Filosofía y Letras. Universidad de Barcelona, 1974 [1]
Vinclos externos
[editar | modificar o codigo]Se veigan as imáchens de Commons sobre Plantago.
Wikispecies tiene un articlo sobre Plantago.