Salina
Apariencia
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo trata sobre as salinas que son puestos en os que se i espleita la sal. Ta altros emplegos se veiga Salinas (desambigación).
![](http://178.128.105.246/content-http-upload.wikimedia.org/wikipedia/commons/thumb/a/ad/LacRose1.jpg/288px-LacRose1.jpg)
![](http://178.128.105.246/content-http-upload.wikimedia.org/wikipedia/commons/thumb/6/66/Salina_de_la_Playa%2C_S%C3%A1stago%2C_Zaragoza%2C_Espa%C3%B1a%2C_2015-12-23%2C_DD_27.jpg/220px-Salina_de_la_Playa%2C_S%C3%A1stago%2C_Zaragoza%2C_Espa%C3%B1a%2C_2015-12-23%2C_DD_27.jpg)
Salina, salinar u salera ye o puesto a on se treballa con l'augua salada ta aconseguir-ne a sal. Totas as salinas d'Aragón son de fuents d'interior, pero ne b'ha tamién en a costa aproveitando l'augua d'a mar.
Nomenclatura
[editar | modificar o codigo]A producción de sal en salinas tien una terminolochía especifica. Como muestra, en a Salinera de Naval (comarca d'o Semontano de Balbastro, Huesca), activa de primavera a agüerro, s'emplegan os siguients vocablos:
- era: superficie horizontal zarrada con murez que s'emplena d'augua salada, a on precipita a sal por evaporación;
- flor: piedras de sal que se fan por concentración y que flotan en as eras;
- retradero: instrumento con mango largo y forma de rasclo y que se fa servir ta remover as eras con a fin que a sal no s'apegue en o fondo;
- bater: remover con o retradero
- sangrar: retirar l'augua dulza que se concentra en as capas superiors d'a era; se fa ubrindo foratos a meya altura en o muret, ya que l'augua con mes concentración de sal tien mes densidat, pesa mes y s'enfonsa t'as capas inferiors;
- ixada, pico de gancho: estrumentos que se fan servir ta deseparar a sal apegada en o fondo;
- barrer: recullir a sal;
O producto final, a sal, se vende a profesionals tan diversos como forners (que en anyaden), caminers (ta desconchelar a nieu d'hibierno) u ganaders (ta anyader sal a o minchar d'os animals).
Uso en toponimia
[editar | modificar o codigo]En Aragón bi ha a lo menos cuatre lugars con iste nombre:
- Salinas de Bielsa, en o municipio de Bielsa.
- Salinas de Chaca, en o municipio d'as Penyas de Riglos.
- Salinas de Sin, en o municipio de Tella-Sin.
- Salinas de Trillo, en o municipio d'a Fueva.