Stargate
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](http://178.128.105.246/content-http-upload.wikimedia.org/wikipedia/commons/thumb/6/61/Stargate_-_Japan_Expo_2009.jpg/220px-Stargate_-_Japan_Expo_2009.jpg)
Stargate ye una franquicia de ciencia ficción d'Estaus Unius encetada en 1994 con a cinta d'o mesmo nombre dirichida por Roland Emmerich.
A franquicia de Stargate se centra en a premisa d'un "Stargate", una portalada en forma d'aniello que permite o transporte rapido a atras puertas estelars ubicadas a distancias cosmicas. A historia prencipia cuan se descubre un d'ixos dispositivos en a Tierra. A cinta de 1994 y a serie de televisión posterior amuestran cómo o dispositivo se mantiene baixo o control d'o gubierno d'os Estaus Unius, que lo usa pa levar a cabo misions interplanetarias marcando os milars de puertas estelars ubicadas en a galaxia, que son o legau d'una civilización antiga. As expedicions orichinalment teneban l'obchectivo d'adquirir recursos extremadament raros, nueva tecnolochía y detectar menazas; pero a ormino enfrontinan problemas cientificos y humanitarios y os dilemas d'interactuar con diferents sociedaz. Finalment, dioron como resultau una coalición unificada d'as Nacions Unitas pa emparar millor a necesidat constant de continar o programa pa esfender a Tierra d'os invasors alienichenas.
L'exito d'a cinta suposó que en zaguerías d'as anyadas 1990 s'empecipiasen a producir atros productos que comparten iste mesmo universo de ficción.[1] A lista completa ye a siguient:
- Stargate (cinta).
- Stargate SG-1. Se tracta d'una serie en a cual se recuperan beluns d'os personaches d'a cinta y que ha aconseguiu un récord en convertir-se en a serie de ciencia ficción con mas capitols gravaus succesivament (10 temporadas y 214 capitols).
- Stargate Atlantis, derivada de l'anterior que en 2007 contaba con cuatro temporadas.
- Stargate: The Ark of Truth y Stargate: Continuum, dos cintas engueradas en 2008 en as cuals se concluye l'argumento d'a serie Stargate SG-1
- Stargate Universe, una serie que tamién se troba en proceso de creyación
- Varios videochuegos, libros y series d'animación.
Referencias
[editar | modificar o codigo]- ↑ (en) ‘Stargate’ es la otra gran franquicia de la ciencia ficción espacial en FueradeSeries.com