Thor
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Thor Þórr | |
---|---|
![]() Thor seguntes o pintor Mårten Eskil Winge. | |
'
| |
Mitolochía: | norrena |
País: | Escandinavia |
Dios de: | d'o Truen |
Pai: | Odín |
Mai: | Jörð |
Conchuche: | Sif |
Chirmans: | Meili, Baldr, Heimdall, Viðarr, Tyr, Bragi, Höðr, Hermóðr y Vali. |
Fillos: | Móði y Magni |
Animal: | Dos bucos |
Habitat: | Asgard y Midgard |
Simbolo: | O martiello clamau Mjolnir. |
En a mitolochía norrena, Thor (En norrén antigo: Þórr) ye lo dios d'o trueno y a fuerza. Manimenos, o suyo paper ye complexo ya que teneba influxo en arias muit diferents, tals como o clima, as cullidas, a protección, a consagración, a chusticia, os viaches y as batallas.[1]
A suya arma ye un martiello que se lanza, clamau Mjolnir, d'o cual se fazioron copias como amuleto que dimpués se convirtioron en un simbolo pagano que desafiaba a la cristianización d'Escandinavia.[2]
Thor viacheya en un carro que ye tirau per dos bucos machicos clamaus Tanngrisnir y Tanngnjóstr que teneban a peculiaridat que Thor podeba cocinar-los y dimpués si amenesteba continar o suyo viache, cubriba os uesos con a piel y feba servir o poder rechenerador d'o suyo martiello pa tornar-los a la vida.
![](http://178.128.105.246/content-http-upload.wikimedia.org/wikipedia/commons/thumb/d/d8/A_painting_by_Max_Friedrich_Koch_-_Donar-Thor.jpg/250px-A_painting_by_Max_Friedrich_Koch_-_Donar-Thor.jpg)
Una vegada que o proceso de cristianización estió completau, a figura de Thor estió demonizada per o creixent influxo de misioners cristianos. Dimpués de que o cristianismo s'alazetase, restas d'a suya fe se conservoron de forma clandestina sobretot en arias rurals, sobrevivindo asinas dica tiempos modernos en o folclore chirmanico y mas dinantes reconstruyiu baixo cuantas formas en o neopaganismo chermanico.
En estar un dios muito popular entre las diferents tribus chermanicas, muitas localidaz y lugars como colinas u selvas estioron nombradas en honor a Thor, entre as que cal destacar a ciudat de Tórshavn (literalment puerto de Thor; en danés Þórshöfn) en as Islas Feroe u a palabra anglesa Thursday (chueves en aragonés) que derivaría de Thor's day (día de Thor). Mas cerca en o tiempo lo asteroide (299) Thora o suyo nombre deriva de Thor.
Referencias
[editar | modificar o codigo]- ↑ (en) Arnold, Martin (2011). Thor: Myth to Marvel. Continuum. ISBN 978-1-4411-3715-9.
- ↑ (en) Turville-Petre, Gabriel. Myth and religion of the North : the religion of ancient Scandinavia. Westport, Conn: Weidenfeld and Nicolson, 1964, 1975, p. 83. ISBN 0-8371-7420-1.