Bree Turner
Bree Turner![]() | |
---|---|
![]() | |
Vida | |
Nacimientu | Palo Alto, 10 de marzu de 1977 (47 años) |
Nacionalidá |
![]() |
Llingua materna | inglés |
Familia | |
Casada con | valor desconocíu (2008 – div. 2018) |
Fíos/es | 2 |
Estudios | |
Estudios |
King's College de Londres (es) ![]() Monte Vista High School (en) ![]() |
Llingües falaes | inglés[1] |
Oficiu | actriz, baillarina, actriz de cine, actriz de televisión |
IMDb | nm0877430 |
breeturner.com | |
![]() |
Bree Turner (10 de marzu de 1977, Palo Alto) ye una actriz de cine y televisión.
Vida personal
[editar | editar la fonte]Turner nació en Palo Alto, California. El so padre ye'l ex-xugador de fútbol americano Kevin Turner, que xugó nos equipos New York Giants, Washington Redskins, Seattle Seahawks y Cleveland Browns. En 1995, Bree graduóse na secundaria nel Monte Vista High School de Danville, California. Darréu incorporóse al King's College de Londres y a la Universidá de California en Los Angeles. Bree, patinadora sobre ruedes competitiva y baillarina profesional, ye fanática de los videoxuegos. Declaró: «de neña tenía una Nintendo. Gustábame'l Mario Bros. y el Track and Field. Yera bien bona. Non quiero faer la grande, pero tolos díes llegaba a casa y lo "estrozaba". Tengo tres hermanos menores, asina que siempres aprendía más aficiones de neños. Yera baillarina, asina que nel mio tiempu llibre siempres quería xugar a videoxuegos y pasar el ratu colos mozos. Dempués, cuando fui a la universidá, tuvi una PlayStation pero fai enforma que toco joystick. Preciso volver a eso. Metíme un tiempu nel Dance Dance Revolution». En 2008, Bree casóse col ciruxanu ortopédicu Justin Saliman nel hotel Casa del Mar de Santa Monica, California.[2] Turner y Saliman tienen una fía, Stella Jean, nacida'l 29 de xunu de 2010,[3] y un fíu, Dean, nacíu'l 12 de setiembre de 2012.[4]
Carrera
[editar | editar la fonte]Turner consiguió'l so primer papel con diálogu na película Deuce Bigalow: Male Gigolo. El mesmu añu apaez na serie de MTV Undressed. Amás protagonizó dellos comerciales. Turner participó como baillarina extra en películes como The Big Lebowski (1998), She's All That (1999) y Austin Powers: The Spy Who Shagged Me. Dende entós apaeció en películes como The Wedding Planner (2001), Joe Dirt (2001), American Pie 2 (2001), Sorority Boys (2002), Bring It On: Again (2004) y Jekyll + Hyde (2006). Amás formó parte del repartu de la película Firehouse Dog. En 2000 participó en dos películes independientes: el musical y drama románticu True Vinyl y el drama Backyard Dogs. Al añu siguiente compartió pantalla con Jennifer Lopez y Matthew McConaughey na comedia romántica The Wedding Planner, con David Spader en Joe Dirt, y con Jason Biggs y Eugene Levy en American Pie (1999). Mentanto, Turner interpretaba papeles recurrentes nes comedies Moesha y Spin City y nel drama Cold Case. Amás fixo una publicidá pa Hyundai. Amás, actuó en teatru, interpretando a Ivy en The Pages of My Diary I'd Rather Not Read en Los Angeles en xineru de 2003. Dempués de figurar na comedia Sorority Boys, protagonizó Bring It On: Again. De vuelta en televisión, interpretó a Marjorie na serie pocu esitosa Good Girls Don't. N'ochobre del añu siguiente, formó parte del repartu del drama Sex, Love & Secrets. Esi mesmu mes actuó nel episodiu piloto de Masters of Horror, tituláu Incident On and Off a Mountain Road. En 2006 apaeció nel drama Love Monkey, na película pa televisión Flirt y nun anunciu de Budweiser. De vuelta na pantalla grande, foi incluyida na repartu de The TV Set y en Jekyll + Hyde, que ta basada na novela Dr. Jekyll and Mr. Hyde y el señor Hyde de Robert Louis Stevenson. Tamién tuvo un papel de repartu na comedia romántica Just My Luck. En 2007 Turner apaeció nun episodiu de la serie Traveler y n'unu de la serie Standoff. Tamién apaeció na película familiar Firehouse Dog. Más tarde apaeció na comedia The Ugly Truth, xunto a Katherine Heigl y Gerard Butler, que foi estrenada'l 24 de xunetu de 2009. En 2012 interpretó a Rosalee Calvert, un personaxe recurrente na serie Grimm. Más tarde, n'abril, anuncióse que'l so personaxe sería habitual.[5]
Filmografía
[editar | editar la fonte]Películes | |||
---|---|---|---|
Añu | Film | Papel | Notes |
1996 | Dunston Checks In | Moza francesa | |
1997 | My Best Friend's Wedding | Baillarina | |
1998 | The Big Lebowski | Baillarina | |
1999 | Deuce Bigalow: Male Gigolo | Allison | |
2000 | Backyard Dogs | Kristy James | |
2001 | The Wedding Planner | Tracy | |
2002 | Sorority Boys | Tifanny | |
2004 | Bring It On: Again | Tina | |
2006 | Just My Luck | Dana | |
2009 | The Ugly Truth | Joy | |
Televisión | |||
Añu | Títulu | Papel | Notes |
1999 | MTV's Undressed Temporada 1 | ---- | |
2005 | Masters of Horror | Ellen | Episodiu: "Incident On and Off a Mountain Road" |
2005 | Las Vegas | Moza de la llimpieza | Episodiu: "Espelma streapers y homicidiu" |
2008 | Ghost Whisperer | Elizabeth | Episodiu: "Ball and Chain" |
2010 | A Girl's Life | Tiny Mosquitu (voz) | |
2012-presente | Grimm | Rosalee Calvert | |
2012-presente | Wedding Band | Sara |
Referencies
[editar | editar la fonte]- ↑ Identificador CONOR.SI: 176792419. Afirmao en: CONOR.SI.
- ↑ «Celebrity - InStyle». InStyle Weddings. Consultáu'l 30 de payares de 2012.
- ↑ «Bree Turner Welcomes Daughter Stella Jean» (inglés). Celebritybabies.people.com. Consultáu'l 30 de payares de 2012.
- ↑ «Bree Turner Welcomes Son Dean» (inglés). Celebritybabies.people.com. Consultáu'l 30 de payares de 2012.
- ↑ Roots, Kimberly. «Grimm Promotes Bree Turner to Series Regular - Season 2» (inglés). TVLine. Archiváu dende l'orixinal, el 2020-11-11. Consultáu'l 30 de payares de 2012.