Ludismu
![](http://178.128.105.246/content-http-upload.wikimedia.org/wikipedia/commons/thumb/7/73/Luddite.jpg/220px-Luddite.jpg)
El ludismu (luddism n'inglés) foi un movimientu obreru, qu'algamó puxu n'Inglaterra, especialmente ente los obreros del testil, a partir del odiu incondicional hacia les máquines, con aiciones que se sofitaben na revuelta espontánea y desorganizada, atacando a los instrumentos de producción. Al seguidor d'esti movimientu llamábenlu ludista o ludita (luddites n'inglés), nome que tomaron del semilexendario líder del movimientu, Ned Ludd, que foi'l primeru en romper un telar como protesta.
El movimientu remanez nel violentu clima económicu de les guerres napoleóniques escontra les difíciles condiciones de trabayu nes nueves factoríes testiles.
El ludismu tuvo una vida relativamente curtia. Bien ceo munchos de los cabezaleros obreros comprendieron que nun yeren les máquines sinón los empresarios los sos enemigos. Gran Bretaña conoció cuatro grandes foleaes ludistes ente 1811 y 1816 y posteriormente el movimientu espardióse per toa Europa (n'España ye conocida la "Revolución del petroleu" n'Alcoy, en 1873).
Referencies
[editar | editar la fonte]Enllaces esternos
[editar | editar la fonte]
Wikimedia Commons tien conteníu multimedia tocante a Ludismu.