Manuel Vigil Montoto
Manuel Vigil Montoto![]() | |||
---|---|---|---|
11 xunetu 1931 - 9 ochobre 1933 Distritu: Uviéu Eleiciones: primer llexislatura de la Segunda República Española | |||
Vida | |||
Nacimientu | Xixón[1], 23 de xineru de 1870[1] | ||
Nacionalidá |
![]() | ||
Muerte | Valencia[1], 31 d'avientu de 1961[2] (91 años) | ||
Estudios | |||
Llingües falaes | castellanu | ||
Oficiu | políticu, oficinista | ||
Creencies | |||
Partíu políticu | Partíu Socialista Obreru Español | ||
![]() |
Manuel Vigil Montoto (23 de xineru de 1870, Xixón – 31 d'avientu de 1961, Valencia) foi un destacáu militante socialista y el primer presidente de la Federación Socialista Asturiana del PSOE.
A los doce años tuvo qu'abandonar la escuela y entamar a trabayar, faciéndolo primeramente de pinche nun taller de coches, desempeñando con posterioridá otros oficios.
Abondo ceo entama los sos primeros contactos políticos colos grupos republicanos de Xixón. En 1888 ocupa'l cargu de bibliotecariu del Casino de la Unión Republicana.
Los sos primeros contactos col socialismu tienlos en Madrid mientres cumplía el serviciu militar, aunque nun foi hasta'l so retornu a Xixón cuando se decidiría definitivamente pola militancia socialista, entamando a participar en delles reuniones. El so ingresu nel PSOE tien llugar en 1893. Nel añu 1894 representará a los sos compañeros de les Agrupaciones d'Uviéu y Xixón nel IV Congresu del PSOE que tien llugar en Madrid y al IV Congresu de la Unión Xeneral de Trabayadores.
Foi direutor del periódicu socialista La Aurora Social, asoleyáu n'Uviéu. Igualmente collaboró con otros periódicos como La Lucha de Clases, La Revista Socialista, El Socialismo, El Socialista, ...
En xineru de 1901 entámase'l Congresu Constituyente de la Federación Socialista Asturiana, de la que ye elixíu Presidente.
En payares de 1907 foi elixíu conceyal del Ayuntamientu d'Uviéu, cargu qu'ocuparía hasta 1909.
Al instaurase la II República el 14 d'abril de 1931 ocupa un cargu na Comisión Executiva del PSOE. Ye diputáu por Asturies nes Cortes Constituyentes, siendo vocal de les Comisiones de Facienda y Trabayu. Nes eleiciones del añu 1933 será candidatu, pero nun será elixíu Diputáu.
Durante la Guerra Civil ocupó'l puestu de Direutor Delegáu del Instutu Nacional de Previsión na rexón Llevantina (con anterioridá yá ocupara tamién dellos cargos nel INP).
Referencies
[editar | editar la fonte]- ↑ 1,0 1,1 1,2 URL de la referencia: http://www.congreso.es/portal/page/portal/Congreso/Congreso/Iniciativas?_piref73_2148295_73_1335437_1335437.next_page=/wc/servidorCGI&CMD=VERLST&BASE=DIPH&FMT=DIPHXD1S.fmt&DOCS=1-1&DOCORDER=FIFO&OPDEF=Y&NUM1=&DES1=&QUERY=%28119620%29.NDIP.. Data de consulta: 20 xineru 2020.
- ↑ Afirmao en: autoridaes BNF. Identificador BnF: 16742112s. Apaez como: Manuel Vigil Montoto. Autor: Biblioteca Nacional de Francia. Llingua de la obra o nome: francés.