Suzy Amis
Suzy Amis![]() | |
---|---|
![]() | |
Vida | |
Nacimientu | Oklahoma City[1], 5 de xineru de 1962[2] (62 años) |
Nacionalidá |
![]() |
Residencia | Oklahoma City |
Llingua materna | inglés |
Familia | |
Casada con |
Sam Robards (1985 – 1994) James Cameron (2000 – ) |
Estudios | |
Llingües falaes | inglés |
Oficiu | actriz de teatru, modelu, actriz de televisión, actriz de cine, productora de cine, productora executiva |
Premios |
ver
|
Nominaciones | |
IMDb | nm0000751 |
![]() |
Susan Elizabeth "Suzy" Amis-Cameron (5 de xineru de 1962, Oklahoma City) ye una actriz de cine y televisión y modelu d'Estaos Xuníos. Como modelu trabayó en Francia y n'Estaos Xuníos pa les axencies Elite Model Management y Ford Models. Empecipió la so carrera interpretativa nel añu 1984 tres la so apaición nun capítulu de la serie Miami Vice. Fixo numberoses películes[5] y finalmente retiróse en 1994. Tuvo casada con Sam Robards y dende el 2000 col direutor James Cameron.
Biografía
[editar | editar la fonte]Nacida na ciudá estauxunidense Oklahoma City nel añu 1962. Empezó a trabayar como modelu en París pa l'axencia Elite Model Management onde llogró la so formación y en 1980 tornó a Estaos Xuníos a Nueva York por cuenta de que la so tía unvió unes imáxenes a l'axencia de modelos Ford Models cola que robló un contratu. Años más tarde en 1984, amás de trabayar como modelu empecipió la so carrera nel mundu de la interpretación, apaeciendo n'unu de los capítulos de la serie de televisión Miami Vice y un añu más tarde tuvo'l so primer papel nuna película protagonizada por Kevin Costner y empobinada por Kevin Reynolds llamada Fandangu. En 1986 dexó la so carrera de modelu pa dedicase dafechu a ser actriz. Mientres toos estos años apaeció en numberoses películes más, nes que destaquen Rocket Gibraltar (1988), Twister (1989), Where the Heart Is (1990) y Rich in Love. Nel añu 1993 llogró'l so primer papel protagonista na película The Ballad of Little Jo interpretando a una moza que vivió nel sieglu XIX y cola que foi nomada nos Premios Independent Spirit Award a la meyor actriz. Darréu en 1994 apaeció na película Blown Away, en 1995 en The Usual Suspects, en 1996 en Cadillac Ranch y en 1997 en The Ex, Last Stand at Saber River que protagonizó xunto a Tom Selleck y na famosa película empobinada por James Cameron y ganadora de numberosos Premiu Óscar y Globu d'Oru, Titanic na qu'interpretó'l papel de Lizzy Calvert. En realizando delles películes más, nel añu 1999 realizó la so última apaición en Judgment Day, que protagonizó xunto a Ice T.
Nel añu 2005, fundó Amis Muse primaria d'educación de Reggio Emilia Approach, asitiada en Topanga (California) y ensin animo d'arriquecimientu.
Filmografía
[editar | editar la fonte]Añu | Títulu | Personaxe | Notes |
---|---|---|---|
1984 | Miami Vice | Penny McGraw | 1 episodiu |
1985 | Fandangu | Foi la so
primer apaición cinematográfica | |
1987 | The Big Town | Aggie Donaldson | |
1988 | Plain Clothes | Robin Torrence | |
Rocket Gibraltar | Aggie Rockwell | ||
1989 | Twister | Maureen Cleveland | |
1990 | Where the Heart Is | Chloe McBain | |
1983 | Rich in Love | Rai Odom | |
Watch It | |||
The Ballad of Little Jo | Josephine 'Jo' Monaghan | Primer papel como protagonista | |
Two Small Bodies | Eileen Mahoney | ||
1994 | Blown Away | Dove Kate | |
Nadja | Cassandra | ||
1995 | The Usual Suspects | Edie Finneran | |
1996 | Cadillac Ranch | CJ Crowley | |
One Good Turn | Laura Forrest | ||
1997 | The Ex | Molly Kenyon | |
Titanic | Lizzy Calvert | ||
1998 | Firestorm | Jennifer | |
1999 | Judgment Day | Jeanine Tyrell | Tres esta película retiróse como actriz |
Vida privada
[editar | editar la fonte]Suzy Amis en mayu de 1986, casóse col actor d'Estaos Xuníos Sam Prideaux Robards col que tien un fíu llamáu Jasper (30 d'abril de 1990), pero finalmente en 1994 divorciáronse. En 1997, mientres el rodaxe de Titanic nel que participaba, conoció al so direutor James Cameron col que'l 4 de xunu del 2000 casóse, teniendo dambos trés fíos de mancomún: Claire (4 d'abril de 2001), Quinn (9 de setiembre de 2003) y Elizabeth Rose (29 d'avientu de 2006).
Premios y nominaciones
[editar | editar la fonte]Añu | Categoría | Trabayu | Resultancia |
---|---|---|---|
1994 | Meyor actriz | The Ballad of Little Jo | Nomada |
Añu | Categoría | Trabayu | Resultancia |
---|---|---|---|
1995 | Meyor repartu | The Usual Suspects | Ganadora |
Añu | Categoría | Trabayu | Resultancia |
---|---|---|---|
1997 | Meyor repartu | Titanic | Nomada |
Ver tamién
[editar | editar la fonte]- James Cameron
- Sam Robards
- The Ballad of Little Jo
- Titanic (película de 1997)
- Episodios de Miami Vice de la 1ª Temporada
- Premiu del National Board of Review al meyor repartu
Referencies
[editar | editar la fonte]- ↑ URL de la referencia: http://www.imdb.com/search/name?birth_place=Oklahoma+City%2C+Oklahoma%2C+USA&.
- ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ URL de la referencia: http://www.imdb.com/date/01-05/.
- ↑ URL de la referencia: http://www.theatreworldawards.org/past-recipients.html.
- ↑ http://www.20minutos.es/cine/cartelera/interprete/4808/suzy-amis/
Enllaces esternos
[editar | editar la fonte]- Biografía (enllaz rotu disponible n'Internet Archive; ver l'historial y la última versión).
- Suzy Amis na Internet Movie Database (n'inglés)
- Filmografía