Google Wallet
Google Wallet | |
---|---|
![]() | |
![]() Yaşıl proqramın aktiv olduğu ölkələri bildirir | |
Tipi | mobil tətbiq |
Tərtibatçı | |
Əməliyyat sistemi | Android, Wear OS |
İnterfeysin dili | ingilis dili |
Yayımlanma tarixi | 11 may 2022 |
Platforma | Android, iOS |
Lisenziya | havayı proqram təminatı |
Sayt | wallet.google |
![]() |
Google Wallet — Google tərəfindən hazırlanmış rəqəmsal pulqabı platforması. O, Android, Wear OS və Fitbit OS əməliyyat sistemləri üçün əlçatandır və 11 may 2022-ci ildə 2022 Google I/O açılış mərasimində elan edilmişdir.
Tarixi
[redaktə | mənbəni redaktə et]![](http://178.128.105.246/content-http-upload.wikimedia.org/wikipedia/commons/thumb/d/da/Googlepayments.svg/220px-Googlepayments.svg.png)
"Google Wallet" brend adı ilk dəfə şirkətin 2011-ci ildə Android Pay ilə 2018-ci ildə Google Pay adlı yeni proqrama birləşdirilmədən təqdim edilən eyni adlı mobil ödəniş sistemi üçün istifadə edilib.[1][2] Köhnə Wallet tətbiqi funksionallığı ilə "tay-tuş" ödəniş xidmətinə çevrildi, 2020-ci ildə də layihənin ləğvindən əvvəl Google Pay Send-ə çevrildi.[3] 2020-ci ildə Google Pay tətbiqi Google-un Hindistana yönəlmiş Tez tətbiqi əsasında geniş şəkildə yenidən dizayn edildi və şəxsi maliyyə tətbiqi kimi genişləndi.[4] Google Pay Play Store-da Tez tətbiqini əvəz etdi, 2018-ci ilin Google Pay tətbiqi isə Android smartfonlarında ayrıca, əvvəlcədən quraşdırılmış proqram kimi mövcud olmağa davam etdi.[5][6]
Google Wallet-in buraxılması
[redaktə | mənbəni redaktə et]Google 26 may 2011-ci il tarixində keçirdiyi mətbuat konfransında orijinal Google Wallet tətbiqinin orijinal versiyasını nümayiş etdirdi. İlk proqram ABŞ-da yalnız 19 sentyabr 2011-ci ildə buraxıldı. Əvvəlcə proqram yalnız Citibank tərəfindən buraxılmış Mastercard kartlarını dəstəkləyirdi.
15 may 2013-cü ildə Google istifadəçilərə Gmail əlavələri vasitəsilə pul göndərməyə imkan verən Google Wallet və Gmail-in inteqrasiyasını elan etdi. Google Wallet yalnız ABŞ-da mövcud olsa da, Gmail inteqrasiyası ABŞ və Birləşmiş Krallıqda əlçatan olub.
2015-ci ildə tətbiqə əlavə olaraq istifadəçilərə satış nöqtələrində (mağazalarda və ya onlayn) Google Wallet hesabındakı vəsaitlərdən, əlavə edilmiş debet kartı hesabından, və ya bank hesabından istifadə edərək ödəniş etməyə imkan verən fiziki Google Wallet kartı istifadəyə verildi. Kart həmçinin Google ilə əlaqəli heç bir komissiya olmadan bankomatlarda nağd pul çıxarmaq üçün istifadə edilə bilər və avtomobil icarəsi kimi faktiki olaraq istənilən məqsəd üçün debet kartı kimi istifadə edilə bilər. Wallet kartı 30 iyun 2016-cı ildə dayandırıldı və Android Pay ilə əvəz olundu.
Google Wallet-in orijinal versiyası istifadəçilərə NFC texnologiyasından istifadə edərək mobil cihazları ilə satış nöqtələrində alış-veriş etmək imkanı verdi. Bununla belə, 2015-ci ilin sentyabr ayından etibarən Google Google Wallet-dəki NFC-ni ləğv etdi və texnologiyanı yalnız Android istifadəçiləri üçün mövcud olan Android Pay-ə köçürdü. Nəticədə Google Wallet-in köhnə versiyasında saxlanılan hər hansı hədiyyə kartlarını, loyallıq proqramlarını və promosyon təkliflərini artıq istifadə etmək mümkün olmadı.
Həmçinin bax
[redaktə | mənbəni redaktə et]İstinadlar
[redaktə | mənbəni redaktə et]- ↑ Warren, Christina. "Google Reveals Mobile Payment System: Google Wallet". Mashable. May 26, 2011. April 18, 2022 tarixində arxivləşdirilib. İstifadə tarixi: February 8, 2016.
- ↑ Nieva, Richard; Bennett, Brian. "Google merges payment platforms under Google Pay brand". CNET. January 8, 2018. January 8, 2018 tarixində arxivləşdirilib. İstifadə tarixi: January 8, 2018.
- ↑ Vonau, Manuel. "Google Pay Send mysteriously returns to Contacts, but is still unavailable in Assistant, Gmail, and Messages". Android Police. June 30, 2020. July 1, 2020 tarixində arxivləşdirilib. İstifadə tarixi: April 23, 2022.
- ↑ Bohn, Dieter. "Google Pay's massive relaunch makes it an all-encompassing money app". The Verge. November 18, 2020. November 18, 2020 tarixində arxivləşdirilib. İstifadə tarixi: March 9, 2021.
- ↑ Romero, Andrew. "The difference between GPay and Google Pay – Which one should you use?". 9to5Google. March 11, 2022. March 12, 2022 tarixində arxivləşdirilib. İstifadə tarixi: May 14, 2022.
- ↑ Li, Abner. "Google Wallet wants to replace your physical wallet (and the old Google Pay app)". 9to5Google. May 11, 2022. May 11, 2022 tarixində arxivləşdirilib. İstifadə tarixi: May 12, 2022.
Xarici keçidlər
[redaktə | mənbəni redaktə et]- wallet.google — Google Wallet rəsmi saytı