Essen
Essen | |||
---|---|---|---|
Saarah jaum jam saking duur: Cakrawala kota, Wawengkon Bisnis Essen, Essen Minster, Villa Hügel, Essen Saalbau, Situs tetamian jagat UNESCO Kompléks Industri Tambang Batubaa Zollverein, Kastil Borbeck, markas ageng ThyssenKrupp | |||
| |||
Koordinat: 51°27′3″N 7°0′47″E / 51.45083°N 7.01306°E | |||
Negara | Jerman | ||
Wagian | Rhine-Westphalia Kalér | ||
Wawengkon | Düsseldorf | ||
Kreis | Distrik pakotaan | ||
Subdivisi | 9 districts, 50 boroughs | ||
Pamréntahan | |||
• Tuan Walikota | Thomas Kufen[1] (CDU) | ||
Jimbar | |||
• Total | 210,34 km2 (8,121 sq mi) | ||
Ketinggian | 116 m (381 ft) | ||
Wewidangan galah | WET/WMPET (UTC+1/+2) | ||
Kode pos | 45001–45359 | ||
Kode télépon | 0201, 02054 (Kettwig) | ||
Plat kendaraan | E | ||
Situs web | www.essen.de |
![](http://178.128.105.246/content-http-upload.wikimedia.org/wikipedia/commons/thumb/3/33/Stadt-Essen-Logo.svg/170px-Stadt-Essen-Logo.svg.png)
Essen (pengucapan ring basa Jerman: [ˈɛsn̩] (ⓘ)) inggih punika pusat lan, sesampun Dortmund, kota pinih ageng pinih kalih ring Ruhr, wawengkon pakotaan pinih ageng ring Jerman. Akéh panjakné sawatara 579.432 manadosang ipun kota pinih ageng kapat ring Rhine-Westphalia Kalér sesampun Köln, Düsseldorf lan Dortmund, taler kota pinih ageng kasia ring Jerman. Essen magenah ring wawengkon métropolitan Rhine-Ruhr sané langkung ageng tur pinaka pahan saking wawengkon budaya Rhineland. Santukan genahné sané ring tengah Ruhr, Essen ketah kaanggép dados "ibukota rahasia" Ruhr.[2] Kalih tukad ngentasin kota: Tukad Emscher sikalér, lan Tukad Ruhr sikelod, sané katimbeng ring Essen ngadegaang Bendungan Baldeney (Baldeneysee ) lan Bendungan Kettwig (Kettwiger See ). Wawidangan tengah lan kalér Essen sacara lelintihan ngeranjing ring wawengkon basa Jerman Sor (Westphalia), lan kelod kota nuju wawengkon Franconian Sor nganggén Bergish.
Kaadegang sawatara warssa 845, Essen tetep dados kota alit ring lingkup pingaruh krajaan gréjawi, Biara Essen, ngantos kakawitangné industrialisasi. Kota selanturnyané—kautama saking pabrik wesi kulawarga Krupp—dados silih tunggil pusat batubaa lan waja kabuat ring Jerman. Essen, ngantos warsa 1970-an, ngambil pakarya saking sajebag negeri; kota puniki dados kota pinih ageng kalima ring Jerman riantara warsa 1929 lan 1988, antuk akéh panjak langkung saking 730.000 diri ring warsa 1962. Kasarengin penedunan industri baat ring sajebag wawengkon ring dasawarsa ungkur abad ka-20, kota puniki ngelimbak ring widang parékonomian térsiér sané kuat. Saksi sané pinih kacingak paindikan Strukturwandel (pagentosan struktural) inggih punika Kompléks Industri Tambang Batubaa Zollverein, sané polih dados sané pinih ageng ring Éropa. Pamuputné kasineb ring warsa 1993, pabrik kokas lan tambang sampun kadaftar olih UNESCO dados Situs Tetamian Jagat saking warsa 2001.
- ↑ Wahlergebnisse in NRW Kommunalwahlen 2020 Archived 2022-05-17 at the Wayback Machine, Land Nordrhein-Westfalen, kaaksés 19 Juni 2021.
- ↑ "Heimatabend Essen – Die heimliche Hauptstadt des Ruhrgebiets" (ring Jerman). 10 Séptémber 2014. Kaarsipin saking versi asli tanggal 17 April 2021. Kaaksés 19 Juni 2020.