Magdi Rúzsa
![](http://178.128.105.246/content-http-upload.wikimedia.org/wikipedia/commons/thumb/2/25/ESC_2007-Magdi_Rusza-IMG_1375.jpg/220px-ESC_2007-Magdi_Rusza-IMG_1375.jpg)
Magdi Rúzsa, Magdolna Rúzsa (* 28. Novemba 1985 in Titov Vrbas, Vojvodina, Jugoslawien) is a ungarischs Deandl, des wo gern singa tuat.
Lem
[Werkeln | Am Gwëntext werkeln]D'Rúzsa Magdolna schdaumt aus da ungarischn Mindaheit in Serbien und is in Mali Iđoš aufgwogsn, ana kloan Schdod in da Vojvodina, de af Ungarisch Kishegyes hoast. Schbeda iss noch Subotica zogn und hod doat a Ausbüdung ois Kraunkschwesda gmocht. Im Joa 2006 hod si si bai da Castingshow Megasztár fum ungarischn Feanseng aungmöt, was so vui is wia in Deitschland Deutschland sucht den Superstar und in Estareich Starmania. Se is zan Foasinga noch Budapest gfoan und glai gnuma woan.
Sie is boid zan Libling fum Feansehpublikum woan und am Schlus fu deara Show zum neichn ungarischn Megasztár gwejht wordn. De Liada, de wos bai deara Casting-Show gsunga hod, san im söbn Joa ois CD aussa kema, de in Ungarn 80.000 moi fakaft woan is und draifoch Platin gwunga hod. Bsondas guad gfoin hod de Leit dabai des Liad „Ederlezi“, a balkanisches Zigneinaliad, woss hoibads auf Ungarisch und hoibads auf Serbisch gsunga hod. Im Intanet haum si oanahoib Millionen Leit des Liadl aungschaud[1] Auf des hods ia easchts Album mid oagane Liada aussabrocht. Des hoast Ördögi Angyal (Daiflischa Öngi) und is genau an iam Gebuatsdog am 28. Nofemba 2006 aussa kema. Am End fu dem Joa hods a noo an Titl kriagt, nämlich ois "Newcomer of the Year".
2007 hods für Ungoarn beim Grand Prix Eurovision de la Chanson in Helsinki gsunga, wos mid iam Liadl Unsubstantial Blues (Aprócska blues) an neintn Bloz gwunga hod. Des Liad hods söwa gschrim ghobt und hod baim Songcontest dafia in easchdn Brais kriagt, in Best Composer Award. Manchane Leid song, das si ia Stimm anhoacht wia wauns de kloane Schwesta von da Janis Joplin wa.
Im Septemba 2009 hods de ungarische Schdodsbiagaschoft augnuma.[2]
Beleg
[Werkeln | Am Gwëntext werkeln]- ↑ YouTube: Magdi Ruzsa Ederlezi
- ↑ Rúzsa Magdi magyar állampolgár lett. (Magdi Rúzsa wurde ungarische Staatsbürgerin.) blikk.hu, 18. September 2009
![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)