Žagata
![](http://178.128.105.246/content-http-upload.wikimedia.org/wikipedia/commons/thumb/4/4b/%D0%A1%D0%BE%D1%80%D0%BE%D0%BA%D0%B0_%28Pica_pica%29%2C_%D0%9A%D0%B0%D0%BB%D0%B8%D0%BD%D0%B8%D0%BD%D0%B3%D1%80%D0%B0%D0%B4.jpg/200px-%D0%A1%D0%BE%D1%80%D0%BE%D0%BA%D0%B0_%28Pica_pica%29%2C_%D0%9A%D0%B0%D0%BB%D0%B8%D0%BD%D0%B8%D0%BD%D0%B3%D1%80%D0%B0%D0%B4.jpg)
![](http://178.128.105.246/content-http-upload.wikimedia.org/wikipedia/commons/thumb/e/e8/Pica_pica_pica_MHNT.ZOO.2010.11.169.1.jpg/220px-Pica_pica_pica_MHNT.ZOO.2010.11.169.1.jpg)
Žagata aba šarka (luotīnėškā: Pica pica, onglėškā: European Magpie, vuokīškā: Elster) ī baltā jouds paukštis so ėlga oudega, katros prėgol prī varnėniu (Corvidae) šeimuos.
Ėšruoda
[taisītė | taisītė straipsnė wiki teksta]Žagata nesonkē galam atpažėntė ėš anuos aprieda. Ė patėna ė patalės makaulė, kaklos, pagorklis, nogara, oudega ė sparnā joudė ī, žvilg būtom mielinā žalis metals. Skėlvis ė krūtėnė baltė ī. Žagatas kūna ėlgoms ī 40-51 cm, ėš katruo 20-30 cm prėgol ėlgā oudegā. Sonkoms ī 175–300 g.
Būds
[taisītė | taisītė straipsnė wiki teksta]Žagatas given paopiū, paežeriū krūmīnūs, anuom patink giventė krūmīnūs, katrėi aug vėdor pėivu ė laukū. Čaižē riek „šėk-šėk-šėk… " Kėni jau kuova dėrbėn beržūs, karklūs, pošīsė. Balondė pradiuo ded 7-8 kiaušius, katrus perėn 18-20 dėinū.
Žagatas paprastā given puoruo. Īr atsargės ė žmuogaus prī savėms neprėlaid. Ožveiziejosės kuoki tās žvieri aba žmuogu praded riekautė aba tīkē noskrend. Žagata ī ne tėktās vėins ėš pruotingiausiu svieta paukštiu, no ė vėins pruotingiausiu gīviu.
Jiedims
[taisītė | taisītė straipsnė wiki teksta]Žagatas jied vabzdius, kiaušius, jaunus paukštokus, pelės, ougas, vaisius, žėima les ė vėsuokės šiokšlės.
Nūruodas
[taisītė | taisītė straipsnė wiki teksta]- phys.org / New study takes the shine off magpie folklore, Published: August 16, 2014