Kanding
![](http://178.128.105.246/content-http-upload.wikimedia.org/wikipedia/commons/thumb/a/a7/Brown-goat-award.jpg/220px-Brown-goat-award.jpg)
![](http://178.128.105.246/content-http-upload.wikimedia.org/wikipedia/commons/thumb/f/ff/Domestic_goat_kid_in_capeweed.jpg/280px-Domestic_goat_kid_in_capeweed.jpg)
![](http://178.128.105.246/content-http-upload.wikimedia.org/wikipedia/commons/thumb/f/f6/Baby_Goat_in_Margarita_Island%2C_Venezuela.jpg/220px-Baby_Goat_in_Margarita_Island%2C_Venezuela.jpg)
![](http://178.128.105.246/content-http-upload.wikimedia.org/wikipedia/commons/thumb/d/d0/Goats_head_to_head.jpg/220px-Goats_head_to_head.jpg)
An inaatáman na kanding (Capra aegagrus hircus) saróng pinagaro' na sub-espesyo kan Layas na Kanding sa Sur-sulnopan na Asya asín Subangan na Europa. Kabáli iní sa pamilya Bovidae asín haraníng pinsán sa obeha: pareho yaon sindá sa lindóng kan sub-pamilya na Caprinae. Labí sa tolóng gatós an manlaenlaen na kasta nin kanding.
An kanding sarô sa halóy nang marháy na pig-aatáman na espesyo. Pira nang ribong taón nang inaatáman an kanding huli ta pigkukuanán iní nin gatas, karne, kublít asín buhok. Sa ika-20ng siglo nauuso na an kanding komo alag.
Sa Ingles an babaeng kanding inaapód na does o nannies, an lalaki bucks o billies asín an saindáng mga ogbón, kids an apód. An mga kapón na kanding inaapód man sa Ingles na wethers. An karne nin huben pang kanding inaapód na kid o cabrito asín an sa guráng na, inaapód na chevon o mutton.
Mga luto sa karne nin kanding
[baguhon | baguhon an source]Sa Filipinas nauso an magkapirang luto sa kanding: kalderetang kanding, adobong kanding, kanding na sisig, karneng kanding na sinabawan, inasal na kanding. An mga ini popular na marhay sa mga inoman asin mga restoran.
Sa ibang lugar, an kanding ginagamit man sa paggoyod nin kariton.
Hilingon man
[baguhon | baguhon an source]![](http://178.128.105.246/content-http-upload.wikimedia.org/wikipedia/commons/thumb/6/60/The_eating_Goat.jpg/220px-The_eating_Goat.jpg)