Manny Villar
![](http://178.128.105.246/content-http-upload.wikimedia.org/wikipedia/commons/thumb/6/63/Manny_Villar_T%27nalak_Festival_2009.jpg/220px-Manny_Villar_T%27nalak_Festival_2009.jpg)
Si Manuel "Manny" Bamba Villar, Jr. (namundag, Desyembre 13, 1949) sarong Filipinong negosyante asin pulitiko. Siya ngunyan sarong senador nin Filipinas, asin pamayo kan Partido Nacionalista.
Kan nakaaging Mayo 10, 2010 na eleksyon sa Filipinas siya nagdalagan bilang kandidato para presidente sa lindong kan saiyang partido pulitikal alagad nagpwesto sana siyang ikatolo; nakua niyang boto nag'abot labing apat na milyon asin an nanggana, si Benigno Aquino III, nagkamit nin lampas 15 milyon na boto.
Si Villar namundag sa sarong dukhang pamilya sa Tondo, sarong lugar na kun saen kadaklan tirios. Pakagradwar sa Unibersidad kan Pilipinas, nagtrabaho siya bilang accountant asin financial analyst, dangan nagtapsok sa negosyo nin real estate. Lampas 200,000 na harong an napatogdok kan saiyang mga kompanya. An negosyo niyang ini iyo an nagpayaman saiyang husto, mala ta saro na siya sa pinakamayaman na namamanwaan sa bilog na Filipinas.