Pasas
![](http://178.128.105.246/content-http-upload.wikimedia.org/wikipedia/commons/thumb/7/7d/Raisins_01.jpg/200px-Raisins_01.jpg)
![](http://178.128.105.246/content-http-upload.wikimedia.org/wikipedia/commons/thumb/0/00/Grape_Rasins_plus_Zante_Currants.jpg/200px-Grape_Rasins_plus_Zante_Currants.jpg)
![](http://178.128.105.246/content-http-upload.wikimedia.org/wikipedia/commons/thumb/4/42/Chunche.jpg/200px-Chunche.jpg)
An pasas (sa Ingles, raisin) pinaalang na ubas. An pasas pigproprodyusir sa bilog na kinaban asin pwede kakanon hilaw o gamiton sa pagluto, pagbake o pagga'ga' nin mga iba-ibang giso.
Sa Reino Unido, Irlandya, New Zealand,Australya an tataramon na "raisin" manongod sa mairom, alang asin darakulang ubas, manta an "sultana" iyo idtong nagbubulaw-bulaw na alang na ubas asin an "currant" iyo idtong alang, saradit na ubas apod Black Corinth. [1]
Alagad, an katagang "pasas" kinua sa Espanyol na "pasa" na an kahulogan parehas mansana.[2]
Iba-ibang klase
[baguhon | baguhon an source]An iba-ibang klase nin pasas depende sa ubas na ginagamit asin ini napapaluwas sa manlaen-laen na sukol, kolor arog kan berde, itom, asul, lila asin giyaw. An klaseng pasas na mayong-tulang kairiba man diyan an inaapod na "sultana" (bisto man sa apod na Thompson Seedless sa E.U.) asin "Flame grapes". An pasas tradisyonal na inaalang sana sa saldang, alagad pwede man pinapalbag sa tubig asin pinaaagil sa artipisyal na paagi.
An inapod na "Golden raisins" pigproseso sa pagbuntog kaini sa sulfur dioxide pakabalad ngane matawan ini nin bulaw nakolor.
An "Black Corinth" o "Zante" mga pirinong pasas na mas mairom asin medyo masarat, nagkakagat-kagat an namit. Parati, naaapod man ining "currants". An "muscat raisins" naman mas darakula kun ibabaing sa ibang variety asin mas mahamis.
Mga ibang variety na gibo hale sa Asya makukua sana sa mga etnikong groserya sa Amerika asin an inapod na "Monukka'ng ubas" saro sa ginagamit kan mga ini.
Maraot ipakakan sa ayam
[baguhon | baguhon an source]An pasas maraot daang ipakakan sa ayam ta nasapo ini nin helang sa kidney na pwedeng ikagadan kaini, alagad dai aram an kawsa. [3]
Mga proseso sa paggibo nin pasas
[baguhon | baguhon an source]An paggibo nin pasas hale sa ubas naagi sa tulong lakdang: Pagproseso paagi nin pagbuntog sa kemikal, pagpaagil, asin pagproseso pakaagil na.
Pagbuntog
[baguhon | baguhon an source]Ngane madaling magsuway an tubig sa laman kan ubas, ini binubuntog sa solusyon alkaline na tiniblangan tubig o sa dating proseso nakato'dan sa Mediterraneo asin Asya Menor na iyo pagbuntog kan ubas sa potassium carbonate asin ethyl ester nin mga fatty acid. An pagsuway asin pag'alintoto kan tubig sa ubas napaparikas na gayo na mas tolong beses.
Pagbalad
[baguhon | baguhon an source]May tolong paagi nin pagbalad: pagbalad sa saldang, pagfbalad sa limpoy sana, asin pagbalad sa paagi nin mekanikal na baladan. an pagbalad sa saldang, bakong magastos. Alagad, an siring na paagi pwede magresulta sa kontaminasyon ta nakatambara sana sa luwas, an pagdapo nin mga insekto sa pigbabalad, asin an pag'olakit kan ano-anong mikrobyo sa binabalad. Kaya, an resulta maluyang klase an kalidad kan pinaalang. An siring na pagbalad maki-oras pa asin abala nanggad.[4]
An inapod na pagbalad mekanikal mas marikas, mas seguro na dai makontaminar asin garantisado an marikas na pagka'agil. An metodong ini nagamit kan sinasabing microwave heating. Magayon an resulta ta naluwas kaini an mga burutog asin hirimtong na pasas.
Paglinig kan pasas pakabalad
[baguhon | baguhon an source]Pakabalad, hinuhugasan giraray an mga pasas tangane mahale an mga nagdurukot na ati asin mga raot na pasas. Ini an lakdang nin paghagay kan pasas. Kundi palibhasa nabasa, ini naagi giraray sa pagbalad. An pasas parati sa tanga kan lakdang nin pagbuntog saka pagbalad, rinaramasan nin sulfur dioxide ngane masaray an sadiri niyang namit asin dai mawara an mga bitamina kaini pag ini pigbabalad na sa oven.
Nutrisyon
[baguhon | baguhon an source]An pasas masiram na koro-kakanon asin singa'singaon. Manamit asin pano nin mga mineral, bitamina asin mayaman sa inaapod na fiber. Marhay na gayo daa ini sa mga may diabetes asin nagkokontrol kan anoman na nagpopoon na helang sa colon asin estomago asin marhay man sa igwang medyo halangkaw na presyon sa dugo.[5]
Mga panluwas na takod
[baguhon | baguhon an source]- [1][permanent dead link] Paliwanag sa pagbalad sa laog nin microwave oven. Kinua 30-08-15.
- [2] Archived 2015-08-24 at the Wayback Machine. Pagbalad sa dehydrator. Kinua 30-08-15.
Toltolan
[baguhon | baguhon an source]- ↑ https://en.wikipedia.org/wiki/Online_Etymology_Dictionary Kinua 30-08-15
- ↑ http://www.wordreference.com/es/translation.asp?tranword=raisin Kinua 30-08-15
- ↑ http://www.snopes.com/critters/crusader/raisins.asp Kinua 30-08-15
- ↑ http://frugallysustainable.com/2012/06/how-to-make-raisins-from-fresh-grapes/ Archived 2015-08-28 at the Wayback Machine. Kinua 30-08-15
- ↑ http://www.sciencedaily.com/releases/2012/03/120326113331.htm Kinua 30--08-15