Tony Blair
![](http://178.128.105.246/content-http-upload.wikimedia.org/wikipedia/commons/thumb/b/bb/Former_PM_Blair_Delivers_Remarks_at_the_Ministerial_to_Advance_Religious_Freedom_%2848315076917%29_%28cropped%29.jpg/200px-Former_PM_Blair_Delivers_Remarks_at_the_Ministerial_to_Advance_Religious_Freedom_%2848315076917%29_%28cropped%29.jpg)
Si Anthony Charles Lynton Blair (namundag Mayo 6, 1953) dating Primer Ministro kan Reyno Unido na nagsirbe poon May 2, 1997 sundo Hunyo 27, 2007. Siya kaapil sa partido Labour asin myembro kan Parlamento na pigrepresentar an Sedgefield poon 1983 abot 2007 asin nagin Lider kan Partido Labour poon 1994 sundo 2007. Kan Hunyo 2007, siya nagdemitir sa gabos na katongdan na ini.
Si Blair napili na Lider kan Partido Labour sa eleksyon nin liderato kan Hulyo 1994 pakagadan bigla kan sinundan niya si John Smith. Sa liderato niya, an partido nag'adoptar kan terminong "New Labour" asin nagrayo sa tradisyonal niyang posisyon na makawala pasiring sa sentrong bandang posisyon. Si Blair nadara an partido niya sa hayag na kapangganahan kan mag'eleksyon heneral kan 1997. Sa edad na 43 siya an pinakahubin na Primer Ministro na nagtukaw sunod ki Lord Liverpool kan taon 1812. Sa mga enot na taon kan gobyernong New Labour an saiyang ginibo iyo an ipasunod an mga pigpangako ninda kan 1997: pinasunod an tangdan na minimo, an Akta sa Humano Diretso asin an Akta sa Libreng Impormsasyon asin an pagpawarak kan mga poderes, paagi nin pagtindog kan Parlamentong Scot, an Asamblea Nasyunal kan Wales, asin an Asamblea kan Norteng Irlandya.
An papel ni Blair komo Primer Ministro hayag na gayo sa pulitikang panluwas asin sa seguridad, kun saen sa Norteng Irlandya siya nagpirma kan 1998 sa inapod na Biyernes Santong Pag'oroyon. Pakapoon kan Gera sa Terorismo kan 2001, si Blair makusog na suportado an panluwas na pulitika ni EU na Presidenteng si George W. Bush, orog na sa pagbali sa 2001 na pagsakyada sa Apganistan asin sa Irak. Si Blair iyo an pinakahaloy na nagtukaw bilang Primer Ministro kan Partido Labour asin iyo sana siya an sa Partido Labour na nagkapot kan pwesto nin tolong sunodsunod na termino, an saro diyan apat na taon. Sa aldaw na siya nagdemitir bilang Primer Ministro, siya nanombrahan opisyal na Envoy kan inapod na Quartet kan Tangang Subangan. Kan Mayo 2008, si Blair pigbungsod an Tony Blair Faith Foundation. Nasundan ini kan Hulyo 2009 kan ibinungsod niya an Faith and Globalisation Initiative sa Unibersidad kan Yale sa EU, Unibersidsad kan Durham sa RU asin sa Unibersidad Nasyonal sa Singapur sa Asya, sa pagmukna nin programang postgraduate katuwang an Foundation.
Mga panluwas na takod
[baguhon | baguhon an source]- A Day in the Life an on-line documentary by Tony Blair on life as Prime Minister, at number-10.gov.uk
- The Blair Years—Timeline at BBC News
- Special Report – The Blair years 1997–2007 at BBC News
- Official video showing Tony Blair celebrating 100 years of the Scout movement at Downing St[gadan na takod]
- Tony Blair's post-Downing Street official website Archived 2012-01-17 at the Wayback Machine.
- Tony Blair Faith Foundation Archived 2010-12-10 at the Wayback Machine.
Toltolan
[baguhon | baguhon an source]- Mga artikulo na igwang gadan na panluwas na takod (April 2011)
- Tony Blair
- Mga namundag kan 1953
- Mga buhay na tawo
- Mga tawong taga-Edinburgh
- Alumni kan St John's College, Oxford
- Alumni kan Inns of Court School of Law
- Miyembro kan Commission for Africa
- Mga Nagkamit kan Congressional Gold Medal
- Kumbersyon sa Katolisismo
- Mga Lider kan Partido Labour (RU)
- Mga Primer Ministro kan Reyno Unido