Uber
![](http://178.128.105.246/content-http-upload.wikimedia.org/wikipedia/commons/thumb/3/3e/Travis_Kalanick_LeWeb.jpg/250px-Travis_Kalanick_LeWeb.jpg)
An Uber Technologies Inc. sarong network nin kompanyang pantransportasyon nakabase sa San Francisco, California, Estados Unidos na may operasyon sa manlaenlaen na siyudad sa Amerika, sa Europa, Tangang Subangan, Aprika asin Asya Pasipiko. Sinasabing mga 570ng siyudad an pigseserbisyohan na kaini. An sebsiyo kan Uber bako sana sa pagtao nin lunadan na taksi kundi man paghatod nin pagkakan totoo sa mga pili pa sanang mga lugar. An mga tsuper pwede gamit sadiring kotse o magrenta nin auto sa paggamit kaini sa irarom kan kompanyang Uber alagad obligadong maggamit kan aplikasyon na Uber sa saindang pagmaneho asin siring man an mga paragamit kan serbisyo kaini kaipohan man an siring na aplikasyon sa saindang mga smarphone..[1][2]
Dati an pangaran kan negosyo UberCab Inc. asin sinanglean an pangarfan na nagin nang Uber Technologies, Inc. kan Oktobre, 2010. An kompanya natogdas kan taon 2009 asin may strategic partnership sa Alexandria Real Estate Equities, Inc. . An tataramon na "uber" hale sa katagang siring na kahulogan "super" o sa "pinakaitaas" asin gikan sa Aleman na katagang über (itaas).[3]
Huli kan lakopan na serbisyo kaini asin bagong sistema nin pagkua nin mga kustomer, nakaapekto na gayo an serbisyo kaini sa magkapirang industriya nin transportasyon sa mga nasyon asin nasabat nin mga protesta asin mga aksyon legal.[4]
Toltolan
[baguhon | baguhon an source]- ↑ https://www.bloomberg.com/research/stocks/private/snapshot.asp?privcapId=144524848 Kinua 27-04-17
- ↑ https://www.wsj.com/articles/uber-taps-zipcar-to-put-more-drivers-on-the-road-1486588371 Kinua 27-04-17
- ↑ https://www.internetslang.com/UBER_20-meaning-definition.asp Kinua 27-04-17
- ↑ https://www.theguardian.com/media-network/media-network-blog/2014/aug/18/sharing-economy-regulators-law-uber-lyft Kinua 27-04-17