ERC Sagaie
ERC Sagaie | |
---|---|
Бітва | |
Краіна паходжання | |
![]() |
ERC 90 — французская баявая разведвальная машына.
Гісторыя
[правіць | правіць зыходнік]Была распрацавана кампаніяй Société de Construction Panhard et Levassor у 1975 годзе спецыяльна для экспарту. Серыйная вытворчасць пачалася ў 1979 годзе. З 1982 года на ўзбраенні французскай арміі.
Апісанне
[правіць | правіць зыходнік]Аддзяленне кіравання размешчана ў насавой частцы корпуса. Месца кіроўцы крыху зрушана да левага борта. Вежы з розным узбраеннем усталёўваюцца пасярэдзіне. Характэрнай асаблівасцю машын сямейства з’яўляецца падвойнае дно корпуса V-падобнай формы, якое паляпшае іх супрацьмінную ўстойлівасць. На ўсіх машынах серыі ERC выкарыстоўваецца ваенны варыянт камерцыйнага V-падобнага 6-цыліндравага карбюратарнага рухавіка «Пежо» і каробка перадач фірмы «Панар» (шэсць перадач пярэдняга і 1 задняга ходу). Кіраванымі з’яўляюцца толькі пярэднія колы. Сярэдняя пара колаў пры руху па дарогах падымаецца, для гэтага выкарыстоўваецца гідрапнеўматычная падвеска. Кулестойкія шыны нізкага ціску даюць магчымасць машыне пераадолець 100 км з хуткасцю каля 30 км/г у выпадку, калі яны прабітыя кулямі.
ERC 90 F4 «Сагэ» была першай серыйнай машынай гэтага сямейства. На ёй выкарыстоўвалася вежа TS 90 фірмы GIAT. У ёй размешчана 12 кумулятыўных і 8 аскепкава-фугасных стрэлаў да 90-мм гарматы, з якой можа таксама весціся агонь бранябойнымі аперанымі падкалібернымі і дымавымі снарадамі. З гарматай спарышаваны (усталяваны злева ад яе) 7,62-мм кулямёт. У камандзіра ёсць 7 перыскапічных прылад, у наводчыка — 5. Асноўны тэлескапічны прыцэл наводчыка М563 мае павелічэнне х5,9.
У залежнасці ад патрабаванняў заказчыка можа выкарыстоўвацца СКА рознага складу — ад спрошчанай да інтэграванай. Акрамя таго, машына можа пераадольваць водныя перашкоды ўплаў з выкарыстаннем для руху ў вадзе вадамётнага або асноўнага колавага рухавіка, аснашчацца сістэмай абароны ад ЗМЗ, кандыцыянерам/абагравальнікам, навігацыйнай апаратурай, дадатковым боекамплектам з 10 снарадаў і 1000 патронаў да кулямёта.
Мадыфікацыі
[правіць | правіць зыходнік]- ERC 90 F4 Sagaie ТТВ 190 — абсталяваны вежай SAMM TTB 190 з 90-мм гарматай.
- ERC 90 F4 Sagaie 2 — абсталяваны двума рухавікамі і палепшанай вежай.
- ERC 90 F4 Sagaie — абсталяваны вежай GIAT TS 90 з 90-мм гарматай F4.
- ERC 90 F1 Lynx — абсталяваны вежай Hispano-Suiza Lynx з 90-мм гарматай, як і машына Panhard AML.
- ERC 60-20 — усталяваны 60-мм мінамёт і 20-мм гармата ў вежы Hispano-Suiza 60-20 Serval.
- EMC 81 — усталяваны 81-мм мінамёт у вежы Hispano-Suiza EMC.
- ERC 20 — ЗСУ, у вежы ўсталяваная спараная 20-мм ��ўтаматычная гармата.
- VCR — БТР на аснове ERC.
Аператары
[правіць | правіць зыходнік]Аргенціна — 12 адзінак ERC-90F Sagaie ў марской пяхоце, станам на 2015 год[1]
Габон — 6 адзінак ERC-90F4 Sagaie і 4 адзінкі ERС-20 з вежай ТАВ-220 і 20-мм гарматай, станам на 2015 год[2]
Кот-д’Івуар — 6 адзінак ERC-90F4 Sagaie, станам на 2015 год[3]
Мексіка — 120 адзінак ERC-90F1 Lynx і 4 навучальныя, станам на 2015 год[4]
Францыя:
- Сухапутныя войскі — 40 адзінак ERC-90D Sagaie, станам на 2024 год[5]
- Сілы спецыяльнага прызначэння і марской пяхоты ВМС — некаторая колькасць ERC-90F1 Lynx, станам на 2015 год[6]
Чад — 4 адзінкі ERC-90F Sagaie, станам на 2015 год[7]