Тып | "суперпраграма": сацыяльная сетка, месэнджар, сервіс мабільных плацяжоў |
---|---|
Распрацоўшчык | Tencent |
Напісана на | C++ |
Аперацыйная сістэма | iOS, Android, Windows, Windows Mobile[d] і macOS[3] |
Першы выпуск | 21 студзеня 2011 |
Апошняя версія | |
Ліцэнзія | прапрыетарная ліцэнзія[d] |
Сайт | wechat.com |
![]() |
WeChat, у кітайскай версіі Weixin — гэта кітайская праграма, якая ўяўляе сабой адначасова месэнджар, сацыяльную сетку і сервіс мабільных плацяжоў. WeChat была выпушчана ў 2011 годзе кампаніяй Tencent і стала найбуйнейшай мабільнай праграмай у свеце ў 2018 годзе, маючы больш за 1 мільярд актыўных карыстальнікаў штомесяц. WeChat была апісана як кітайская «праграма для ўсяго» ці суперпраграма з-за шырокага спектру функцый. WeChat прадастаўляе абмен тэкставымі паведамленнямі, галасавыя паведамленні, відэаканферэнцыі, відэагульні, мабільныя плацяжы, абмен фатаграфіямі і відэа, а таксама абагульванне месцазнаходжання.
Уліковыя запісы, зарэгістраваныя з выкарыстаннем кітайскіх тэлефонных нумароў, апрацоўваюцца пад брэндам Weixin. Іх даныя захоўваюцца ў Кітаі і падпарадкоўваюцца ўмовам абслугоўвання і палітыцы канфідэнцыяльнасці Weixin, якая забараняе кантэнт, што «ставіць пад пагрозу нацыянальную бяспеку, раскрывае дзяржаўныя сакрэты, падрывае дзяржаўную ўладу і нацыянальнае адзінства».[4] Некітайскія нумары рэгіструюцца пад брэндам WeChat, і карыстальнікі WeChat падпарадкоўваюцца іншым, менш строгім умовам абслугоўвання і больш строгай палітыцы прыватнасці, іх даныя захоўваюцца ў Нідэрландах для карыстальнікаў з Еўрапейскага Саюза і ў Сінгапуры для іншых карыстальнікаў.[5] [6] Дзейнасць карыстальнікаў у Weixin аналізуецца, адсочваецца і перадаецца кітайскім уладам.
У адказ на памежны канфлікт паміж Індыяй і Кітаем WeChat быў забаронены ў Індыі ў чэрвені 2020 года разам з некалькімі іншымі кітайскімі праграмамі, у тым ліку TikTok.[7][8] Былы прэзідэнт ЗША Дональд Трамп[9] спрабаваў забараніць амерыканскія «транзакцыі» з WeChat, аднак яго загад быў заблакаваны акруговым судом Паўночнай акругі Каліфорніі ў верасні 2020 года. Джо Байдэн афіцыйна адмовіўся ад намаганняў Трампа забараніць WeChat у ЗША ў чэрвені 2021 года.[10]
Зноскі
- ↑ http://openbox.mobilem.360.cn/safe/getTestResult?360appstore=1&soft_id=5427 Праверана 7 сакавіка 2018.
- ↑ https://weixin.qq.com/cgi-bin/readtemplate?lang=zh_CN&t=weixin_faq_list&head=true Праверана 31 ліпеня 2023.
- ↑ https://mac.weixin.qq.com Праверана 2 сакавіка 2018.
- ↑ Agreement on Software License and Service of Tencent Weixin . weixin.qq.com. Праверана 12 сакавіка 2023.
- ↑ WeChat - Terms of Service . www.wechat.com. Праверана 3 сакавіка 2023.
- ↑ Tencent draws a clearer line between international and Chinese WeChat users (англ.). South China Morning Post (7 верасня 2021). Праверана 3 сакавіка 2023.
- ↑ Sharma, Kiran (August 4, 2020). "Indian apps soar after ban on China's TikTok, WeChat and Baidu: Relations soured by Ladakh clash force Modi to refocus economic struggle". The Nikkei. Архівавана з арыгінала 20 September 2020. Праверана August 6, 2020.
- ↑ Desk, India com News. From TikTok to PUBG, India Has Banned 224 Chinese Apps Till Now in Three Months | All You Need to Know (англ.). India News, Breaking News, Entertainment News | India.com (2 верасня 2020). Архівавана з першакрыніцы 20 September 2020. Праверана 19 верасня 2020.
- ↑ Arbel, Tali (August 6, 2020). "Trump bans dealings with Chinese owners of TikTok, WeChat". Associated Press. Архівавана з арыгінала 7 August 2020. Праверана August 6, 2020.
- ↑ Allyn. Biden Drops Trump's Ban on TikTok And WeChat — But Will Continue The Scrutiny . NPR (9 чэрвеня 2021). Праверана March 3, 2023.