Plèstisen
![](http://178.128.105.246/content-http-upload.wikimedia.org/wikipedia/commons/thumb/5/5c/PlayStation_logo_and_wordmark.svg/220px-PlayStation_logo_and_wordmark.svg.png)
Plèstisen (hurup Arab Gundul: فليستيسن) atawa PlayStation (basa Nipong: プレイステーション, pureisutēshon, disingkat PS) ya'entu mèrek kongsol gim betontonan. Dikeja ama Sony Interactive Entertainment, nyang jadi bagéan deri Sony, nyang pertama kali ngelangsir kongsol gim betontonan di Nipong Désèmber 1994 èn di seantèro dunia di taon-taon terusannya.
Kongsol plèstisen asli ya'entu kongsol gim betontonan nyang jadi nomor wahid nyang uda jual lebih deri 100 juta biji dalem waktu kurang deri sepulu taon. Terusannya, Plèstisen 2 (PS2), dilangsir taon 2000. P2 entu kongsol paling laris ampé enni wayah èn keserat lebih deri 155 juta biji kejual akhir taon 2012. Kongsol terusannya ada Plèstisen 3 (PS3), dilangsir taon 2006 nyang kejual 87,4 juta biji bulan Maret 2017. Plèstisen 4 (PS4) dilangsir taon 2013 èn kejual 1 juta biji dalem sehari (paling cepet dalem riwayatnya). Kongsol lanjutannya entu Plèstisen 5 (PS5), nyang dilangsir taon 2020.