Rembay
![](http://178.128.105.246/content-http-upload.wikimedia.org/wikipedia/commons/thumb/a/af/Berlin-bvg-sl-m10-gt6-12zrk-961796.jpg/220px-Berlin-bvg-sl-m10-gt6-12zrk-961796.jpg)
Rembay[1] (hurup Arab Gundul: رمباي) atawa ramway (hurup Arab Gundul: رمواي) atawa rèmway (hurup Arab Gundul: رمواي) atawa tramway[2] (hurup Arab Gundul: ترمواي) atawa trèm (hurup Arab Gundul: ترم) ièlah kerèta kecil nyang gableg tundanan husus di setrat-setrat di kota. Rèmbay biasanya lat barang 5–10 menitan mangkatnya. Ni gandaran bisa jadi pembèrèsan mas'alah kemacetan. Rèndèngan rèmbay biasanya sesèt (ada dua kerèta) biar kaga' kepanjangan. Rèmbay punya tundanan langsung ngamprog ama lalu-lalang kota di setrat-setrat, kaga' kekeleng sendèwèk kaya' bes kota, hata biasa juga' ditaèkin nyangsrang di atas (elevated) atawa bawah-tana, nyang cuman bakal sebagèan lin doang.
Rèmbay biasanya èntèngan ama pèndèkan deri sepur biasanya ama tambangan sepud. Wayah gini, sebagèan besar rèmbay paké tenaga lèstrik, biasanya dirojogin setruman paké pantograp nyang nyelèrèk di lèstrik setrum atas. Kalu sistim nyang rada kolotan mentak maké tiang selèrèkan (tiang troli) atawa pengomplok busuran. Di berapa hal, sepatu kontak di tundanan ketiga juga' dipaké. Kalu-kalu perlu, itu rèmbay juga' bisa ngelah sistim tenaga rangkep—lèstrik kapan di setrat-setrat kota ama disel di kampung-kampungan.