Baju dingin
Tampaian
![](http://178.128.105.246/content-http-upload.wikimedia.org/wikipedia/commons/thumb/3/38/Jacke_Microfaser.jpg/220px-Jacke_Microfaser.jpg)
Baju dingin adalah baju luar nang panjangnya hinggan pinggang atawa pinggul, dipakai gasan manahan angin lawan cuaca nang dingin. Bukaan baju dingin andakannya palih muka matan panggulu ka bawah. Résléting, kima, atawa péndéng dipakai gasan alat mambuka lawan manutup bukaan jakét.
Babéda lawan kaméja ataw blus nang diulah matan bahan nang tipis, baju dingin diulah matan kain kandal wan rancak tu dipasangi kain palapis lawan bahan panghangat di bagian dalamnya. Kada nang kaya kaméja atawa blus, amun baju dingin kada dipakai langsung takana kulimbit. Marga itu pang, baju dingin kada harus rancak-rancak ditapas. Ada jua baju dingin nang diulah matan bahan nang kada kawa ditapas.