Ilung
![](http://178.128.105.246/content-http-upload.wikimedia.org/wikipedia/commons/thumb/e/ee/Water_hyacinth.jpg/200px-Water_hyacinth.jpg)
Ilung (Latin:Eichhornia crassipes) adalah ngaran tanaman nang hidup mangapung di banyu. Halian dipinandui lawan ngaran ilung, di banua lain di Indunisia, ilung baisi ngaran lain kaya Kelipuk (Palembang), Ringgak (Lampung), Ilung-ilung (Dayak) duwa Tumpe (Manado) .[1]
Pamulaannya, Ilung didapatakan kada singhaja ulih ilmuan bangaran Carl Friedrich Philipp von Martius, urang ahli botani bangsa Jerman pas tahun 1824 rahatan balalah di Sungai Amazon, Brasil.[2] Ilung baisi kahancapan tumbuh nang tingkau sahingga tumbuhan ini dianggap sawagai gulma nang baulih marakai lingkungan pambanyuan. Ilung lawan nyaman manyabar liwat saluran banyu ka awak banyu lainnya.
Taksunumi
[babak | babak asal-mulanya]Ilung hidup mangapung di banyu wan bahanu ba'akar dalam tanah. Tingginya kikira 0,4 - 0,8 mitir lawan kada baisi batang. Daunnya tunggal wan babantuk bulat. Ujung wan pangkalnya maruncing, pangkal lunggai daun manggalambung. Pamukaan daunnya lungur wan bawarna hijau. Kambangnya tamasuk kambang barundun, babantuk bulir, kalupaknya babantuk tabung. Bijinya bulat wan bawarna hirang. Butingnya kotak baruang talu wan bawarna hijau. Akarnya tamasuk ka dalam akar sarabut.[1]
Wadah tumbuh
[babak | babak asal-mulanya]Ilung biasanya tumbuh di danau, rarawa, kulam nang dangkal, muhara sungai lawan rancak juwa ditamui di banyu nang alirannya lambat. Ilung baisi kahancapan tumbuh nang tinggi lawan nyaman banar maucir jadinya manutupi parmukaan banyu. Marga hal ini, iling rancak dianggap sawagai tanaman pangganggu.
Rujukan
[babak | babak asal-mulanya]- ^ a b "Eceng Gondok, tumbuhan pengganggu nang bermanfaat". e-smartschool.com. Diarsipkan dari versi asli tanggal 2023-04-06. Diakses tanggal 2010-05-05.
- ^ "Eceng Gondok, Gulma Sahabat Manusia?". U. Sirojul Falah. Harian Pikiran Rakyat. 28 September 2003. Diarsipkan dari versi asli tanggal 12 November 2004. Diakses tanggal 5 May 2010.