Allobroged
![](http://178.128.105.246/content-http-upload.wikimedia.org/wikipedia/commons/thumb/c/ca/Gaul%2C_1st_century_BC.gif/250px-Gaul%2C_1st_century_BC.gif)
![](http://178.128.105.246/content-http-upload.wikimedia.org/wikipedia/commons/thumb/3/33/Denier_au_cheval_galopant_et_au_%E2%80%9Ccaduc%C3%A9e%E2%80%9D_frapp%C3%A9_par_les_Allobroges_%28R%C3%A9gion_du_Dauphin%C3%A9%29.jpg/220px-Denier_au_cheval_galopant_et_au_%E2%80%9Ccaduc%C3%A9e%E2%80%9D_frapp%C3%A9_par_les_Allobroges_%28R%C3%A9gion_du_Dauphin%C3%A9%29.jpg)
An Allobroged pe Allobroges (hervez al latin) a oa ur bobl c’halian diazezet etre ar stêrioù Ron hag Isère, Alpoù an Hanternoz ha Lenn Geneva, er c’hentañ kantved kent JK, el lec’h m’emañ bremañ Savoia ha Daofinez. Vienne e oa o c’hêr-benn, ha Genève (diwar ar ger genoù) a oa ur gêr all dezho . Brudet e oant da vezañ brezelourien gadarn.
O anv
[kemmañ | kemmañ ar vammenn]Talvezout a rafe an anv Allobroges kement ha « tud eus ur vro all », « tud arallvro », diwar an div elfenn c'halianek allo-, « all », ha *brogi- « bro »[1].
Istor
[kemmañ | kemmañ ar vammenn]Diwar bluenn Caesar, en De Bello Gallico, e lenner e oant o chom e hanternoz Gallia Transalpina pe Narbonensis. Pelloc’h, en hanternoz da Lenn Geneva, edo an Helveted. Aloubet e voe o bro gant ar Romaned e -121, met ne oa ket deuet-mat ar vistri nevez hag o zailhoù gant an Allobroged ha meur a wech en em savjont a-enep o alouberien (-77, -61, -43).
Strolladoù Allobroged a gemeras perzh en armeoù Caesar koulskoude e-pad Brezel Galia. Da vare an impalaer Aogust e voe rannet Gallia Narbonensis e div lodenn ha krouet e voe proviñs Gallia Viennensis. Dont a reas Vienne da vezañ ur greizenn roman a bouez er broviñs-se.
E dibenn an Impalaeriezh roman, er IVe kantved, e teuas bro an Allobroged da vezañ anvet Sapaudia, ur ger hag a zo aet da Savoia diwezhatoc'h. Er Vvet kantved e voe taget hag aloubet proviñs Vienne ha Sapaudia gant pobloù german evel ar Vurgonded.
Kan
[kemmañ | kemmañ ar vammenn]Les Allobroges pe Le Chant des Allobroges eo anv kan broadel Savoia.
Notennoù
[kemmañ | kemmañ ar vammenn]- ↑ Pierre-Yves Lambert, La langue gauloise, Errance, p. 36 ha p. 190
Liammoù diavaez
[kemmañ | kemmañ ar vammenn]- Les Allobroges et l’Allobrogie – Archéologie et toponymie
- Les Allobroges - Dictionnaire Historique de la Suisse