Atant
![](http://178.128.105.246/content-http-upload.wikimedia.org/wikipedia/commons/thumb/e/e6/Mozet_%28Belgique%29%2C_la_ferme_de_Baseille..jpg/220px-Mozet_%28Belgique%29%2C_la_ferme_de_Baseille..jpg)
![](http://178.128.105.246/content-http-upload.wikimedia.org/wikipedia/commons/thumb/0/03/Rieten_dak_old_farmhouse.jpg/220px-Rieten_dak_old_farmhouse.jpg)
Un atant, ur menaj, un tiegezh zo ul lec'h war ar maez ma vez labouret douar ha maget loened.
Hervez ar broioù e kemm ar pezh a vez gounezet en douar : ne vez ket gounezet orañjez, gwini na kafe e pep atant.
E Breizh gwechall e veze labouret an douar gant kezeg, gounezet ed en douaroù mat, segal pe ed-du en douaroù paour, legumaj war an aod, avaloù-douar e pevar c'horn ar vro, ha maget saout ha moc'h e pep atant. Ret e oa d'an atant magañ an tiegezh da gentañ, ha gwerzhet e veze pezh a c'halled.
Kemmoù bras zo bet abaoe ar bloavezhioù 1960. E lod atantoù zo e vager saout evit gwerzhañ o laezh dreist-holl, e re all evit gwerzhañ o c'hig. Pa vez moc'h e vez gounezet maiz evit o magañ, pa ne oa ket er vro a-raok an Eil Brezel-bed.
Geriaoueg
[kemmañ | kemmañ ar vammenn]Kalz gerioù zo e brezhoneg da envel un atant.
- Atant e Bro-Leon.
- Tiegezh e Leon ha Kerne.
- Menaj e Treger, ha komz a reer eus menajerien.
- Kêr, miridi, e Kerne-Uhel.
- Koumanant, mereuri, feurm, tachenn, meteiri e Bro-Gwened.
Rannoù
[kemmañ | kemmañ ar vammenn]- Evit al loened
Marchosi ar c'hezeg, kraou ar moc'h ha hini ar saout, kouldri an dubeed.
- Evit ar binvioù
- Karrdi, skiber.