Fama (doueez)
![](http://178.128.105.246/content-http-upload.wikimedia.org/wikipedia/commons/thumb/a/a2/Dresden_Fama_%282005%29.jpg/220px-Dresden_Fama_%282005%29.jpg)
Fama a oa doueez ar Vrud gant ar Romaned, evel Feme gant tud Hellaz.
Hellazadez a orin
[kemmañ | kemmañ ar vammenn]Dont a ra an anv Fama eus ar gregach Feme (Φημη / Pheme)
He ganedigezh
[kemmañ | kemmañ ar vammenn]Merc'h diwezhañ an doueez Gaia, an Douar, eo-hi. Krouet e voe hep tad, evel dial he mamm ouzh an doueed. Hervez Sofokles avat e oa merc'h da Elpis, an Esperañs.
Un doueez askellek eo, ha buan e nij d'ober he c'hefridi. Ul lagad he deus a-dreñv pep pluenn, hag un teod evit pep lagad, ma c'halle adlavarout dizehan kement tra a wele pe a gleve.
Div drompilh he doa: hini hir ar Vrud vat, ha hini verr ar Vrud fall.
Mojennoù
[kemmañ | kemmañ ar vammenn]Hi eo a gasas keloù d'ar rouanez Didon edo Eneas war-nes lestrañ. Hi a voe kaset gant Gwener da lezel brudoù da redek betek maouezed Lemnos, ma savas kann etre gwazed ha gwragez.
Kement-se a oa dial Afrodite ouzh tud Lemnos, rak ne azeulent ket an doueez ken abaoe ma oa o toganiñ he fried Hefaistos gant Ares.
Menegoù
[kemmañ | kemmañ ar vammenn]Kaoz zo anezhi e levr XII Metamorfozoù Ovidius.