Freetown
![](http://178.128.105.246/content-http-upload.wikimedia.org/wikipedia/commons/thumb/4/4c/Freetown-aerialview.jpg/220px-Freetown-aerialview.jpg)
Freetown eo kêr-benn ha kêr vrasañ Sierra Leone. Ouzhpenn ur milion a dud zo o chom enni (e 2004).
Krouet e oa bet Freetown er bloavezh 1787 gant Saozon, evit reiñ bod eno da sklaved dieubet e-pad brezel Sierra Leone, alese anv ar gêr (Free town = Kêr zieub).
Losket e voe kêr e 1790. E 1792 un niver a sklaved a erruas e Freetown, o tont eus Nova Scotia ar wech-mañ. En em sevel a reas an annezidi a-enep ar Saozon e 1800, met adkemeret e voe kêr gant ar soudarded saoz, a astennas o galloud en douaroù ivez.
Etre 1808 ha 1874 e talvezas ar gêr da lec’h diazez d’ar Saozon evit o zrevadennerezh e kornôg Afrika. Kreskiñ a reas ment Freetown, gant miliadoù a sklaved dieubet o tont eus an Antilhez. Diskennidi ar sklaved dieubet-se a reer Kreoled anezho ; daoust dezho bezañ ur bihanniver er vro hiziv ez eus ur plas bras ganto er gêr-benn.