Inkscape
Inkscape | |
---|---|
![]() | |
![]() Inkscape e katalaneg | |
Rummad | Embanner SVG |
Kentel nevesañ |
0.92.3 11/03/2018 |
Diorroadur | Oberiant |
Statud kenwerzhel |
Digoust Mammenn-digor |
Kodoù | C++ gant gtkmm Python (astennoù) |
Savenn | IA-32 ha x64 |
RK | FreeBSD Linux macOS Windows |
Ment | 93,3 MB |
Yezhoù | 66 yezh |
Internet | inkscape.org |
![](http://178.128.105.246/content-http-upload.wikimedia.org/wikipedia/commons/thumb/3/30/Icon-designed_using_inkscape.svg/230px-Icon-designed_using_inkscape.svg.png)
![](http://178.128.105.246/content-http-upload.wikimedia.org/wikipedia/commons/thumb/0/0f/Inkscape_0.44_promotional_banner.svg/230px-Inkscape_0.44_promotional_banner.svg.png)
Inkscape zo ur meziant krouiñ pe gemmañ skeudennoù sturiadel. Digoust eo, ha digor eo e vammenn dindan aotre GPL. Galloudus eo Inkscape, pa'z eo kenglotus gant skouerioù XML, SVG ha CSS ar W3C.
Ur poellad lies-savenn eo, a c'heller implijout dre Microsoft Windows, Mac OS X (dindan X11), Linux ha FreeBSD.
Dre Inkscape e c'heller tresañ stummoù divventek pe deirmentek, a c'heller leuniañ gant livioù pe steuñvennoù, dinaouet pe get ; gant an dreuzwelusted e c'heller c'hoari ivez. Tu zo da enporzhiañ tresadennoù pe luc'hskeudennoù ha labourat warno evit krouiñ stummoù nevez a c'heller treuzfurmiñ dre o dilec'hiañ, o zreiñ, kemmañ o skeul pe o stumm.
Istor
[kemmañ | kemmañ ar vammenn]E 2003 e krogas diorroadur Inkscape, war diazez ur [[forc'h (stlenneg)[forc'h]] eus ar raktres Sodipodi, hag a zo ur forc'h eus Gill, ur poellad savet gant Raph Levien evit GNOME.
Inkscape zo tremenet eus ar yezh programmiñ C (yezh programmiñ) d'ar C++ ha da ereoù C++ al levraoueg grafek GTK+ (Gtkmm). Kemmoù zo bet ivez e live an etrefas implijer ha arc'hwelloù nevez zo bet lakaet (oberiant-tre eo an diorroadur).
Goude disklêriadur Xara e vefe digoret kod ar poellad tresañ sturiadel Xara Xtreme, c'hoant da genlabourat zo savet etre an daou skipailh. An daou veziant a eskemm neuze o c'hod hag a gendeuz o strivoù evit tizhout live ar poelladoù kenwerzhel.
Arc'hweladurioù
[kemmañ | kemmañ ar vammenn]Krouiñ traezoù
[kemmañ | kemmañ ar vammenn]- Tresañ
- Tresañ linennoù gant an dorn
- Tresañ kromennoù Bézier (poent-ha-poent pe gant an dorn) ha regennoù eeunennoù
- Tresañ linennoù kalligrafiezh gant ur bluenn, dre un dablezenn c'hrafek (meret eo kognoù ha gwask ar bluenn) pe get
- Lunioù
- Skouergornegoù, karrezioù (korioù rontaet pe get)
- kelc'hioù, hirgelc'hioù ha gwaregoù
- Steredennoù ha lieskornoù,
- Troellennoù ;
- Benveg skrivañ (font, steudadur, ster, marzhekadur, lieslinennoù)
- Liamm, enporzhiadur ha sturiadur skeudennoù ogedel
- Klonadur (traezoù eilet gant treuzfurmadur dialusk) ;
- Krouidigezh dre leuniadur etre hentoù all.
Merañ traezoù
[kemmañ | kemmañ ar vammenn]- Treuzfurmadurioù keouenn (treuzkludadur, kemparzh, addeventadur, tr, distumadur), en un doare etreoberiant pe dre ebarzhiñ talvoudoù niverel
- Rummañ dre verniañ kalkoù, strolladoù hag traezoù (z-order)
- Strolladur urzhazek an traezoù hag ar strolladoù
- Reizhiad kalkoù
- Eilañ/pegañ traezoù
- Steudañ, dasparzh ha stlabezañ traezoù, o lakaat war ur gael
- Kaelioù ha sturieroù gwarellek.
Leuniadur ha trohedoù
[kemmañ | kemmañ ar vammenn]- Diuzer livioù (RVB, TLS, CMYK, rod)
- Pibell livioù
- Eilañ/pegañ stil an traezoù
- Leuniañ dre abladennoù livioù, dinaouiñ, gwiadoù ha tresoù, gant kanol alfa
- Dinaouiñ livioù dre zornelloù reoliñ
- Dinaouiñ linennek hag a-skin
- Bevennoù dre boentigoù ha "merkerioù" (traezoù SVG peget ouzh skoulmoù ha pennoù ar c'hrommennoù)
Liammoù diavaez
[kemmañ | kemmañ ar vammenn]- Inkscape war lec'hienn an Drouizig